Алматы Ашуға Мінді - Басы Дауға Қалды!

Бәріңізге ассалаумағаликум. Сәбилерді жазылмас дертке душар еткен,
жер дүрбелеңін тудырған, қазақ көшін қаңтарған...Күні кеше Алматының әкімі болған Ерболат Досаев ел есінде осындай былықтарымен, қылықтарымен есте қалған.. Ол министр боп тұрған шағында тағы не бүлдіріп еді? Алматылықтар қыз беріп, кемпір алып қалмады ма? Су жаңа әкімнің қазақшасы қалай? Оның өзі де, әйелі де шіріген бай екенінен хабардарсыз ба? Тағайындалғанына бір күн болмай жатып халық оның орнын босатуды сұрап қол жинап жатыр, бұл талап орындала ма? Мұны сізге білген дұрыс!

«Кім ойлаған, бұлай деп кім ойлаған» әні
Иә, бұлай боларын ешкім ойлаған жоқ. Алматы жұрты мүйіз сұраймын деп, құлақтан айырылғанның күйін кешті. «Сағынтаев кетсін, Сағынтаев кетсін» деп шулап орнынан кетірді. Бірақ күтпеген жерден оның орнын Досаев басты. Болар іс болды!

Досаевтың қазақшасы қайран қалдырады. Мемлекеттік қызметте жүргеніне бәленбай жыл болсада мемлекеттік тілде кейде түсініксіз сөйлейді. Шендінің мына сөзінен не түсінесіз, тыңдап көріңізші!

Тілшілермен де кейде қарым-қатынасы дөрекі. Журналистер одан сұхбат алу үшін әйтеу соңынан қуып жүреді.

Ол Парламентке кеп депуттарға есеп берген кезінде «Бәке, Сәке» деп сөйлегені үшін де әбден ұятқа қалған болатын.

Досаевтың еңбек жолына қарсаңыз қазақ айтпақшы жүрген жерінде шөп шықпаған жан. 2006 жылы Шымкент ауруханасында 200-ге жуық бала жаппай ВИЧ жұқтырды. Сол кезде Ерболат Досаев Қазақстанның Денсаулық сақтау министрі еді. Сол оқиғадан кейін Досаев бастаған бірнеше шенеунік жай ғана орнынан кетті. Ең қызығы, Ерболат Досаевтың Денсаулық сақтау министрі болғанға дейін медицина саласында тәжірибесі болмады. Оның өңірлерді басқару бойынша да тәжірибесі жоқ.  
Досаев 2012, 2013, 2014 жылдары Forbes-тің «Қазақстандағы ең бай 50 адам» рейтингінде 42-45 орындарда тұрды. Бұл кезде көкеміз Ұлттық Банкінің төрағасы болды. Forbes дерегінше, 2013-1014 жылдары Досаевтың байлығы 114 млн АҚШ доллары теңгемен айтсақ 49 млрд тг болған. Ал қазір байлығы артпаса кемімегені беседен белгілі. Ол Қазақстандағы байлар тізіміне енген кезеңде Экономикалық даму және сауда министрі, Экономика және бюджеттік жоспарлау министрі, Ұлттық банк төрағасы, «Самұрық-Қазына» қоры директорлар кеңесінің мүшесі қызметінде болды. Жұбайы Гүлнар Досаева болса ірі «G and G Гламур» компаниясын басқарады. Statsnet дерегінше бұл компанияның 2021 жылғы табысы – 10 млрд теңге болған.

Ол бір кездері Ұлттық экономика министрлігін басқарды. Сосын өз еркімен отставкаға кетті. Оған бірден-бір себеп – Досаевтың ауыл шаруашылығы жерлерінің аукцион арқылы сатылатынын хабарлауы. Осыдан кейін ел арасында «Жер тағдыры – ел тағдыры» дейтін ұрандар пайда болып, халық жерді сатуға жаппай қарсы шықты.
СНХ: Жер дауында сөйлегені
2016 жылы мамырда сол кездегі Қазақстанның Президенті Назарбаев Досаевтың «Жер кодексін түсіндіре алмағаны үшін» деген себеппен отставкасын қабылдады. Кейінгі бірнеше жылда теңге жылдан-жылға әлсірей берді. Ерболат Досаев Ұлттық Банк басшысы қызметіне 2019 жылы ақпанда келді. Наурызда Brent маркалы мұнайының бағасы түсіп кетті, осыдан кейін ұлттық валюта күрт құнсызданды. 2019 жылдың қорытындысы бойынша АҚШ долларының бағасы орташа есеппен 382,75 теңге болса, 2020 жылы 412,95 теңгеге жетті. Қазір АҚШ доллары 434,26 теңгеге сатылып жатыр.

Міне осындай шендінің алып шахар Алматыны басқаруға тағайындалуы жұрттың ашуын туғызып отыр. Экономист Ербосын Нұрмұхан былай деді. Бұндай 114миллион доллары бар саудагерді бүкіл елдің 34%жалпы ішкі өнімін ұстап отырған қалаға қалай әкім етуге болады? Жалпы саудагерді билікке жолатпау керек! Ол жегеннің үстіне жей береді. Адамның нәпсісі тойымсыз. Қасекең енді Назарбевтің логикасымен жүруге болмайды. Қалтасы қалың шенеунік пара алмайды деген бос сөз! Нағыз парақорлар қалтасы қалың шенеуніктер. Биліктен бірінші қадамда миллионнан жоғары доллары бар бизнесмен шенеуніктерді аластау керек. Сонда ғана ЖАҢА ҚАЗАҚСТАН құра аламыз.
Ал Ерболат Досаев Алматыға келер келместен оның қызметке тағайындауына қарсы петиция жарияланды. Оған қарсы шығушылар бұрынғы жұмысындағы қателіктерін айтып наразылық танытуда. Аталған петиция авторлары барлығы 100 мың адамның қолын жинауды мақсат еткен.
Ал Ұлттық банктен Е.Досаев кеткен соң, орнына Мәдина Әбілқасымова тағайындалды. Оны бәріңіз білесіздер кезінде Елордада бес бірдей бала тірідей жанып кетіп, халық шулады. Артынша сол кезде еңбек және халықты әлеуметтік қорғау министрі болған Мәдина Әбілқасымова қызметтен кеткен болатын. Араға тура үш салып ол Ұлттық Банк басшысы қызметін қолға алып, Мемлекет айтқан жаңа Қазақстанның жаңа министрі атанды.

Видео Алматы Ашуға Мінді - Басы Дауға Қалды! канала BILGEN DURYS