Տեր Սմբատ։ Ժնջռլուի Սուրբ Կարապետ վանք։ Հայր Արիստակես։ Ter Smbat. Zhnjrlui Surb Karapet vanq.

Առինջի Սուրբ Հովհաննես Մկրտիչ եկեղեցու հավատացյալների ուխտագնացությունը Տեր Սմբատ քահանա Սարգսյանի հետ։
ՀՈՎՀԱՆՆԵՍ ԿԱՐԱՊԵՏ ՎԱՆՔ
Արարատի մարզ
գ. Լուսաշող,
պետ. ցուցիչ N 3.48.14.1
Միջնադարյան հայկական ճարտարա-
պետական այս համալիրը գտնվում է Արարատի մարզում, այժմ լքյալ Ջնջռլու գյուղատեղիից 1կմ հյուսիսարևելք, ՈՒրծի լեռների հյուսիսային փեշին, Վեդի-Լուսաշող ճանապարհի աջ կողմում: Համաձայն վանքի սակավաթիվ վիմագիր արձանագրություններից մեկի, այն հիմնել են Օրբելյանները  XIV դ. սկզբներին` որպես իրենց տոհմի գերեզմանատուն:
Հովհաննես Ս. Կարապետ վանական համալիրը բաղկացած է Սպիտակավոր Ս. Աստվածածին եկեղեցուց (1301 թ.), ժամատնից (XIV դ.), երկհարկ դամբարանից, միաբանության շենքերից (1896 թ.), պարսպից (1897 թ.):
Ս. Աստվածածին Սպիտակավոր եկեղեցի – ըստ եկեղեցու հարավային պատի վիմագիր արձանագրության  կառուցել է Բուտ ճարտարապետը 1301 թ.` Օրբելյան Տարսայիճ իշխանի որդի, Ջալալ իշխանի կին Գոմցայի պատվերով:  Եկեղեցին մեկ զույգ որմնամույթերով, խորանի 2 կողմում ուղղանկյուն, երկհարկ ավանդատներով, գմբեթավոր դահլիճ է, որի սլացիկ, գլանաձև թմբուկով գմբեթը պսակված է հովանոցաձև ծածկով: Արևմտյան շքամուտքի բարավորին և նրանից վերև բարձրարվեստ բարձրաքանդակներ են, որոնց հեղինակը Սարգիս վարդապետ նկարիչն է: Եկեղեցու ներսում ընկած  մի մեծ քարի վրա` Պռոշյանների տոհմանիշ բարձրաքանդակն է, թևատարած արծիվը` խոյը ճանկերում բռնած:
Ժամատուն– կառուցված է Ս. Աստվածածին եկեղեցուց հարավարևմուտք: Թվագրվում է XIV դ.: Այն ուղղանկյուն հատակագծով, թաղածածկ կառույց է (այժմ` քանդված):
Երկհարկ եկեղեցի-դամբարան– կից է ժամատանը արևմտյան կողմից: Ավերված է զանգակատան ռոտոնդան:
Միաբանության շենքեր – կառուցված են վանքի պարսպին կից: Թվագրվում են 1896 թ.:
Պարիսպ – շրջափակում է վանքի հուշարձանները: Այն ուղղանկյուն է և կառուցվել է 1897 թ.:
Վանական համալիրըունեցել է իր առանձին ջրմուղը` կավե թրծված խողովակներով, որոնք ձգվում էին մինչև ջրամբար:
Վանքի գերեզմանոցում պահպանվել են նուրբ զարդաքանդակներով խաչքարեր և կենցաղային պատկերներով գերեզմանաքարեր:
Հուշարձանախումբը գրականության մեջ սակավ ուսումնասիրվածներից է: Այն քիչ թե շատ ուսումնասիրել է Հ. Եղիազարյանը` իր «Հովհաննու Կարապետի վանքը և նրա վիմագիր արձանագրությունները» հոդվածում  («Էջմիածին», 1962, N1):
Աղբյուր՝ hushardzan.am
#ՀայրԱրիստակես, #Ժնջռլու, #վանք, #ՍուրբԿարապետ, #ուխտագնացություն,

Видео Տեր Սմբատ։ Ժնջռլուի Սուրբ Կարապետ վանք։ Հայր Արիստակես։ Ter Smbat. Zhnjrlui Surb Karapet vanq. канала Arman Balyan Zhorai