Heli Rate Den Disi We - හේලි රටේ දැන් දිසි වේ - Sunil Santha and Leela Asoka

හේලි රටේ දැන් දිසි වේ මංගල ලීලා
පේළි ගැසී එත් විහඟෝ වාස පුරාලා
මී රස බීලා ගී නද දීලා..
හේලි අලුත් අවුරුද්දේ සිරිය සදාලා...

සුපිපි මලින් තුරු මුදුනේ වියන් මැවෙන්නේ
වතළ රොණින් තණ බිස්සේ යහන් තැනෙන්නේ
සුවඳ සුළං අතු අතරින් මඳින් හමන්නේ
කුලුණු වතින් හිරු දෙවි රන් බිමින් වඩින්නේ...

තෙලෙහි කැවුම් බැදෙන සුවඳ දසතැ පිරෙන්නේ
දුමෙහි කෙසෙල් ඉදෙන රහස කණෙහි වැකෙන්නේ
ගේකැ ගේකැ අමුතු බුලත් හුරුළු බැඳෙන්නේ
ගමෙකැ ගමෙකැ මෙඅතෙ දී නෑගමන් කෙරෙන්නේ...

අත අවුලෙන් පලතුරුවෙන් කුස පිරැවෙන්නේ
සුබ නැකැතින් හොඳ අතෙකින් පඬුරු ගැනෙන්නේ
වැඩිහිටියන් වැඳැ නියමින් වැඩ අල්ලන්නේ
සිරි සැපතින් සුබ නව අවුරුද්ද පුරන්නේ

සුනිල් සාන්ත සහ ලීලා අසෝකා
පද රචනය - ගුණපාල සේනාධීර
තනුව සහ සංගීතය - සුනිල් සාන්ත

Sunil Santha and Leela Asoka
Lyrics - Gunapala Senadheera
Melody and Music - Sunil Santha

Видео Heli Rate Den Disi We - හේලි රටේ දැන් දිසි වේ - Sunil Santha and Leela Asoka канала YUGA YUGA RENDI YUGA GEE - යුග යුග රැඳි යුග ගී