"Омикрон" штаммы Қазақстанда анықталса, шектеу шаралары күшейеді

"Омикрон" штаммы Қазақстанда анықталса, шектеу шаралары күшейеді. Бірақ нақты қандай карантиндік шектеулердің болатынын жауаптылар да айта алмай отыр. Ең бастысы халыққа таралып кетуіне жол бермеуіміз керек деген Денсаулық сақтау министрі Алексей Цой қауіпті штаммның клиникалық пайда болуы мен адамдарға төндірер қауіптілігін анықтаймыз деп отыр. Осыған орай, қазір Дүниежүзілік денсаулық сақтау ұйымы жаңа штаммды зерттейтін жұмыс тобын құрған.
Ондай зерттеу тобы Қазақстанда да жұмыс істейді. Алексей Цой ай сайын шетелден келетін, әсіресе, коронавирус табылған азаматтардың сынама нәтижесін халықаралық мәліметтер базасында тексертеміз дейді. Яғни, науқастан анықталған вирустың қандай штаммға жататынын тексереді. Сондай-ақ, Цой биыл министрлікте ешқандай жаңа жылдық шараның болмайтынын айтып, қазақстандықтарға да топтасып жиналмай, мерекені отбасында атап өтуге кеңес береді.
АЛЕКСЕЙ ЦОЙ, ҚР денсаулық сақтау министрі:
– Штамм бар ма жоқ па дегеннен гөрі, оның пандемиялық әсері қандай дегенге назар аударуымыз керек. «Омикрон» қаншалықты жылдам таралады, қаншалықты тез дамиды?! Әлем ғалымдарымен осыны зерттеп жатырмыз. Мысалы «Дельта штаммы» пайда бола сала зияны жойқын екенін, өте жылдам таралатынын көрдік. Енді «Омикронды» зерттеп жатырмыз.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео "Омикрон" штаммы Қазақстанда анықталса, шектеу шаралары күшейеді канала Информбюро 31