පූජ්‍ය ඤාණාලෝක කවි බණ හාමුදුරුවන්ට මල්වානේ කවි බණ හාමුදුරුවන්ගෙන් උපහාර කව #Pannala Gnanaloka Thero#

ගළපා නිසි පරිදි කවියක පද පේලි.
සැනසූ සැවොම කවි රස දත් මනලෝලි .
ඤාණාලෝක හිමි නොගිහින් පෙළපාලි .
වැඩියා දෙවි ලොවට නගිමින් පඩිපේලි.

පූරුවෙ පිනට අරිහත් කහ සිවුර දැරූ.
මුනි දෙසූ දහම කිසි මොහොතක නොකළ බොරූ.
පින් දම් කරන් දිවි මග කරගත්ත සරූ .
නිවුනා පහන් සිල සසුනම එළිය කෙරූ.

ඉපදී මව් කුසෙන් පෙරදින ගිහි ගේක.
කහ චීවරය වෙත සෙනෙහස පිදූ සේක.
නිමකොට දමා භව ගින්දර දුක සෝක.
නිවනින් නිවෙීවා හිමි ඤාණාලෝක.

හසරැලි මුව පුරා හැම විට පුරෝගෙන.
අරිහත් ධජය ගෞරවයෙන් දරාගෙන.
ලාලිත ස්වරෙන් බණ දෙසූ කම් පුරා යන
බඹරුන් උනා අපි ඒ රස උරා බොන

ලොකු කුඩා වැඩිහිටි ..සැවොම එක් රොක් වෙලා.
කවි දහම් අද කියා ..එක තැනක රොක් වෙලා
උතුම් පුර පොහෝ දා .. දහම් ගගෙ ගිල්වලා
අමාදහරට සැවොම..දෙනෙත් කන් යොමුකලා.

කරපු පින් දිනෙන් දින...මෝරලා හිමියනේ.
නිවන් මග දොරටුවට ..ඔබ සමිදු ලං උනේ .
වැලපිලා ඵලක් නැත..වෙන දෙයයි සිදු වුණේ.
සසර මග නිමා කොට..නිවන් යනු හිමියනේ.

පද. මල්වානේ විජිත ධම්ම හිමි.

Видео පූජ්‍ය ඤාණාලෝක කවි බණ හාමුදුරුවන්ට මල්වානේ කවි බණ හාමුදුරුවන්ගෙන් උපහාර කව #Pannala Gnanaloka Thero# канала Malwane Kavi Bana Pituwa - මල්වානේ කවිබණ පිටුව