Müharibə buna görə DAYANDI – Paşinyan GİZLİ DANIŞIQLARI AÇDI

#BirBax #Azerbaycan
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83

Sentyabrın 27-də başlanan müharibə heç kimin gözləmədiyi bir vaxtda, noyabrın 10-u gecə saatlarında imzalanan üştərəfli bəyannamə ilə sona çatdı. Ermənistan sülh istəmirdi, Azərbaycan tərəfi də sürətlə torpaqlarımızı işğaldan azad edə edə irəliləyirdi. Maraqlır, həmin gün nələr yaşandı? Necə oldu ki müharibə dayandı?
Siz bir bax kanalınızdasınız. Diqqətiniz bizdə olsun!
Ermənistan Baş naziri Nikol Paşinyan ötən gün ikinci geniş açıqlama yayaraq, müharibəni dayandırmağa necə məcbur olmasını izah edib. Paşinyan Feysbuk üzərindən açıqlamasında oktyabrın 19-da ona Qarabağ separatçı-terrorçularının başçısı Araik Arutyunyanın zəng etdiyini bildirib:
“O dedi ki, müharibəni dayandırmaq lazımdır. Onun sözlərinə görə, bu, təkcə onun fikri deyildi, müharibənin dayandırılmasını “dqr”in “keçmiş prezidentləri” Arkadi Qukasyan, Bako Saakyan, həmçinin eks-prezidentlər Levon Ter-Petrosyan, Robert Köçəryan və Serj Sərkisyan da istəyirdi”.
Paşinyan bundan sonra Rusiya lideri Vladimir Putinə zəng etdiyini qeyd edib:
“Putin dedi ki, müharibənin dayanması üçün danışıqların məntiqinə uyğun olaraq Qarabağın statusu məsələsindən imtina etməli, keçmiş DQMV-nin ətrafında olan rayonları qaytarmalısınız və əraziyə Rusiya sülhməramlıları yerləşdirilməlidir”.
Paşinyan deyib ki, səslənən təkliflərə sülhməramlıların keçmiş DQMV-nin sərhədlərinə və Laçın dəhlizinə yerləşdirilməsi şərti ilə razılıq verib.
“Bu variantı Arutyunyana çatdırdım, Arutyunyan razı olduğunu bildirdi. Bundan sonra parlamentdənkənar partiyaların da iştirakı ilə iclas çağırdım və qəbul olunan qərarı onlara elan etdim. İclasda bir çoxları bunu narazılıqla qarşıladı, iclasdan sonra isə bəziləri sosial şəbəkələrdə “artsax” uğrunda ümummilli mübarizəni dayandırmağın xainlikdən başqa bir şey olmadığını yazdı”, - Paşinyan deyib.
Erməni baş nazirin sözlərinə görə, həmin gün parlament fraksiyalarının iştirakı ilə Təhlükəsizlik Şurasının da iclasını keçirib. İclasda ölkə prezidenti və bütün ermənilərin katalikosu da iştirak edib:
“Mən müxalifətə elan etdim ki, onların üzərinə hansısa məsuliyyət yıxmaq istəmirəm, sadəcə, məlumat verirəm ki, belə bir addım atmağı nəzərdə tuturam, sonra elə çıxmasın ki, xalqdan gizli nəsə etmək istəyirəm. Həmin vaxt ictimai bir açıqlama versəydim, Azərbaycan təklif olunan ssenaridən imtina edəcəkdi, erməni tərəfi isə çox çətin bir vəziyyətə düşəcəkdi”.
Paşinyan bildirib ki, iclasdan sonra Putinə zəng edərək, təkliflərə razı olduğunu deyib. Putin isə bildirib ki, Azərbaycan Prezidenti ilə bu məsələni müzakirə edib, sabah ona zəng edəcək:
“Səhəri gün Bako Saakyan və Arkadi Qukasyan mənimlə görüşdə bildirdilər ki, Qarabağın statusu müəyyən edilmədən hər hansısa razılaşmaya qarşı çıxırlar. Onlar həm də bunu Ermənistanın keçmiş prezidentləri adından dediklərini bildirdilər.
Ancaq bunlar artıq vacib deyildi, mən qərar vermişdim və sona qədər getmək istəyirdim”.
Növbəti gün, söz verdiyi kimi, Rusiya Prezidenti zəng edir. Putin deyir ki, İlham Əliyev buna razıdır, ancaq tələbləri var: sülhməramlılar keçmiş Dağlıq Qarabağın ərazisi boyu deyil, Azərbaycan Ordusunun dayandığı yerdən sonra – faktiki təmas xəttinə gələ bilər. Həmin vaxt Hadrut və Talış artıq Azərbaycan Ordusunun nəzarətində idi və onlar geri çəkilmək fikrində deyildilər:
“Bundan başqa, İlham Əliyev tələb etmişdi ki, Ermənistan tərəfi azərbaycanlıların Şuşaya qayıtmasını mütləq təmin etməlidir. Bu şərtlə mən atəşkəsə razı ola bilməzdim. Belə ki, hətta Hadruta razılaşsam da, Şuşanın geri verilməsi ilə heç cür razılaşa bilməzdim. Prezident Putin təəccübləndi ki, niyə mən azərbaycanlıların geri qayıtmasına qarşıyam. Onda mən öz arqumentlərimi dedim və Putin onların “məntiqli olduğunu” bildirdi”.
Paşinyan deyib ki, azərbaycanlıların Şuşaya geri qayıdacağına razılaşsaydı, onda bu ərazidə sayca azərbaycanlılar böyük üstünlük qazanacaqdılar və Xankəndi yolu məsələsi gündəmə gələcəkdi: bu yola kim və necə nəzarət edəcəkdi?
Paşinyan, həmçinin deyib ki, bu şərtə razılaşacağı halda Azərbaycanın yeni tələbləri başlayacaqdı: məsələn, Şuşadan Qırmızı Bazara qədər olan yola nəzarət.
Paşinyan bundan sonra təklif edilənlərin sonuncusu – “ən pis təkliflə” niyə razılaşdığını hələlik açıqlamayıb.
Xatırladaq ki, bundan öncə Paşinyan müharibənin qaçılmaz olması səbəblərinə aid öz yanaşmasını təqdim etmiş və dərhal da çox ciddi təkziblər və iradlarla qarşılaşmışdı. Xüsusilə eks-prezident Serj Sərkisyanın kürəkəni Minasyan Paşinyanı manipulyasiyada, xalqı növbəti dəfə aldatmaqda ittiham etmişdi.

Видео Müharibə buna görə DAYANDI – Paşinyan GİZLİ DANIŞIQLARI AÇDI канала Bir Bax