Երկու ձեռքը կորցրած զինվորը պատրաստվում է ամուսնանալ. /Մեր Հերոս Տղերքը ! @Argamblog

Խաղաղապահ զորքերի զինծառայող եղբայրները ռազմաճակատ մեկնեցին հայրենիքի կանչով: Ծովագյուղցի եղբայրները կռվեցին միասին:

Վարազդատ Սանեյան (Արցախյան պատերազմի մասնակից) - Շատ դժվար էր, բայց որ գիտես հայրենիքի համար ես անում՝ ոգեշնչում է: Անգիտակից ընկա, չկարողացա պահել, վիրավոր ոտքին ուշադրություն չդարձնելով, մոտեցել ու ինձ օգնել է: Չի նայել՝ վիրավոր ա, ինչ ա, էդ պահին մեծ ուժ է մտնում մարդու մեջ:
Պատերազմի ծանր վերքերը չեն փոխել նաև անձնական ծրագրերը: Սոնային ամուսնության առաջարկ է արել, մատանի դրել: Հունվարի 13-ին երկու ձեռքը պատերազմում թողած զինվորի նշանադրությունն է, հետո հարսանիքին կպատրաստվեն:
Կռվել են մեկ ամսից ավելի, վիրավորվել նոյեմբերի 2-ին՝ Ճարտարում: Վիրավոր եղբորը Վարազդատն է ընկերոջ հետ դուրս հանել, 2 կմ հեռացրել դիրքից, հասցրել շտապօգնության մեքենային: Ադրբեջանական օդուժը թիրախավորել է նրանց, ծանր վիրավորվել է նաև Վարազդատը:Հակառակորդի օդուժի ալիքի հարվածից Վարազդատը կորցրել է երկու ձեռքը: Զրահաբաճկոնի գրպանում՝ սրտին մոտ, զինգրքույկը պաշտպանել է զինծառայողին: Առաջին բուժօգնությամբ փրկել են կյանքը, ապա տեղափոխել Երևան: Մայրը որդուն հիվանդանոցում է հանդիպել:
Վարդան Սանեյան (Արցախյան պատերազմի մասնակից) - Տեսա, որ շնչում ա ախպերս, ձեն տվի, օգնեցին ու տեղափոխեցին մեզ:
Վիրավոր Վարդան Սանեյանը հիշում է՝ ինչպես գերբնական ուժ հավաքեց, դուրս թռավ շտապօգնության մեքենայից՝ փրկելու կրտսեր եղբոր կյանքը:
Վիրավոր զինվորներն այժմ պայքարի երկրորդ ճակատում են կռիվ տալիս: Վարդանը պատրաստվում է 6-րդ վիրահատությանը, Վարազդատը ձեռքերը վերականգնելու համար երկար բուժում կանցնի, որ հասնի նաև պրոթեզավորման փուլ:

Տարբեր երկրներից բարերարներն արձագանքում են, փորձում օգնել վիրավոր եղբայրներին: Լսել են՝ բազմաֆունկցիոնալ մեկ պրոթեզն արժի մի քանի տասնյակ հազար եվրո: Ձեռքերը վերականգնելուց հետո շատ ծրագրեր ունի:
Չմոռանաք լայքել տեսանյութը, եթե այն Ձեզ դուր եկավ, ինչպես նաև բաժանորդագրվել մեր էջերին՝
YOUTUBE-ում՝ http://www.youtube.com/Argamblogcom
FACEBOOK-ում՝ https://www.facebook.com/argblog
INSTAGRAM-ում՝ http://instagram.com/argamblog
TWITTER-ում՝ https://twitter.com/Argamblog

Видео Երկու ձեռքը կորցրած զինվորը պատրաստվում է ամուսնանալ. /Մեր Հերոս Տղերքը ! @Argamblog канала Argamblog