Mchungaji Msigwa awajibu ‘wanaosema nyumba, gari lake lichomwe moto’

Mwanachama mpya wa Chama cha Mapinduzi (CCM), Mchungaji Peter Msigwa amesema kauli kwamba akihama Chadema kwenda CCM nyumba na magari yake yachomwe moto aliitoa katika mazingira tofauti na ya sasa.

Mchungaji Msigwa amesema hayo leo Jumatatu, Julai mosi, 2024 alipozungumza na Mwananchi Digital, ikiwa ni siku moja tangu alipotangazwa kujiunga CCM mbele ya wajumbe wa Halmashauri Kuu ya CCM, Ikulu jijini Dar es Salaam.

"Kauli ile haihusiana na sasa, niliposema nikihama Chadema nyumba yangu ichomwe, nilizungumza vile wakati ule wimbi la watu kuhama likifanyika tukiwa bado wabunge na wengine madiwani.

"Nilizungumza kwa maana kwamba nilikuwa nimepewa dhamana ya ubunge na ilikuwa lazima nimalize muda wa ubunge, wanaolitafsiri wakati huu wanalizungumza nje ya muktadha," amesema.

Mchungaji Msigwa amezunguza mengi. Kushindwa kwake uchaguzi, Je kuingia CCM kutambadilisha? Haya na mengine Ingia www.mwananchi.co.tz

(Imeandikwa na Imani Makongoro)

Видео Mchungaji Msigwa awajibu ‘wanaosema nyumba, gari lake lichomwe moto’ канала Mwananchi Digital