Өрісімді кеңейткен «ҚҰМАЙ ТАЗЫ»

Құмай тазы саласында жүргелі алыспен де жақынменде етене араласып, достарымның саны әжептеуір артып келеді..
⠀
Тазы жүгірте жүріп бұрын соңды көрмеген алыс аймақтарға да бардық, ағайынмен араластық, төріне отырып, қонақ болып та жүрміз.
⠀
Бір қызығы - тазы жүгіртуің үшін сенің жасың маңызды емес. Сол үшін де үлкен ақсақалдарымызбен бірге өзімізден кейінгі жас буынмен қатар жүріп, аңшылықты бірге қызықтаймыз.
⠀
Тек өзің ғана немесе қасыңда бір досыңмен жүріп шыққан аңшылықғың қанша жерден сәтті болып, мол олжалы болсаң да, көппен көрген қызыққа жетпейді.
⠀
Көптен көрмеген ағайынмен араласып, өткен - кеткен аңшылық, бұрын болған жүйрік тазылар туаралы сыр шертіп, ат үстінде кең даланы кезіп жүргенге не жетсін шіркін.
⠀
Әр қайсымыз әр түрлі саланың адамдары болсақ та, бәрімізді байланыстырып тұратын осы - құмай тазыларымыз.
⠀
Ағайынның арасында бірі бай, бірі үлкен лауазым адамы болуы мүмкін. Бірақ аңшылық кезінде бәріміз теңбіз, бауырмыз, доспыз.
Ол жердегі айтылатын әңгіме де бөлек.
⠀
Күндегі күйбең тіршілік, толып жатқан проблемалар, жабылмай жатқан несиелер, жоғалған мал, үйдені бұзылған көлік бәрі - бәрі бір сәтке ұмыт болады. Аттың жүрісіне, жусанның иісіне, тазының жүгірісіне, табиғаттың тылсым сұлулығына сүйсініп, әр бір сәттен ләззат аласың.
⠀
Осы жігіттермен ен далада, аңшылықта жүріп танысып, осы күнде бауырдай болып кеттік.
Бір түсінгенім, тазы саласында адамға тазыдан бұрын, дос керек екен. Тазы жануар келіп кетіп тұратын дәулет сияқты. Бүгін жүйрік тазы жүгіртіп жүргеніңмен, ертеңгі күні ол да кетеді. Сол кезде жанашыр жақын досың болса, әрқашан жаныңнан табылып, дәулетімен бөліседі екен. Қолыңа дәулет (жүйрік тазы) бітсе, бар кезінде бауырлармен бөлісіп, жүйрік тазыны көбейтіп отыру керек. Өмір алма кезек.
⠀
Алла Тағала Алаш ұлдарының ауызбіршілігін айырмасын.
⠀
«ЖІП БІРАКСЕ АРҚАН БОЛАР,
ЕР БІРІКСЕ ҚАЛҚАН БОЛАР»

#құмайтазы #тазы #тазықазақтыкі
Жаркент тазылары / құмай тазы

Видео Өрісімді кеңейткен «ҚҰМАЙ ТАЗЫ» канала Еркебұлан Дәулеткелдіұлы