МЁЛЕГИМ

"Мёлегим"
макъамы Габаланы Хусейни
сёзлери Кайтайланы Магометни

Терен сагъышгъа кирсем да,
Кёреме джарыкъ кёзлени.
Джарыкъ кёзледен эслеб да,
Эштеме ариу сёзлени.

Арабыз узакъ болса да,
Ариу ауазынг эштиле.
Къыш чиллени сууугъунда
Джайны джылыуун келтире.

Ашыгъыб сакълайма мен
Санга тюбер кюнюмю.
Сени сёзюнг сау этер
Ауруулу джюрегими.

Къайда тюберме санга,
Айтчы, мёлегим, манга?
Къайда тюберме санга,
Айтчы, мёлегим, манга?

Кёрюрме узакъ болсанг да,
Толгъан айны кёргенлей.
Тюбеелмей къалсам да,
Турлукъма сени сюйгенлей.
Ашыгъыб сакълайма мен
Санга тюбер кюнюмю.
Сени сёзюнг сау этер
Ауруулу джюрегими.

Къайда тюберме санга,
Айтчы, мёлегим, манга?
Къайда тюберме санга,
Айтчы, мёлегим, манга?

Ашыгъыб сакълайма мен
Санга тюбер кюнюмю.
Сени сёзюнг сау этер
Ауруулу джюрегими.

Къайда тюберме санга,
Айтчы, мёлегим, манга?
Къайда тюберме санга,
Айтчы, мёлегим, манга?

Видео МЁЛЕГИМ канала Elbrusoid