სააღდგომო პასკა

translating-service.com provides with
professional translation, proofreading and text editing from&into Georgian Turkish English Russian languages სააღდგომო პასკის ქარხნული რეცეპტი.

მასალა:
5 მსხვილი ან 7 წვრილი კვერცხი, 2 ჩაის ჭიქა თეთრი შაქარი,1 ჩაის კოვზი მარილი, 2კგ-მდე ფქვილი, 1 დესერტის კოვზი ძმარი, საფუარი «იამუნა» 4 დესერტის კოვზი, 250გრ კარაქი ან მარგარინი,1 ქილა შედედებული რძე, 300 გრამამდე ქიშმიში, 200 გრამამდე «კურაგა»-აბრიკოსის ჩირი (სურვილი თუ გექნებათ), ვანილი, 2 ფორთოხლის და 2 ლიმონის ცედრა, ზეთი-დაგჭირდებათ ცომის გადაზელვისას, 150გრ კონიაკი, პასკის სანელებლები თქვენი გემოვნებით-თითოეულის ოდენობა 1 ჩაის კოვზი, მხოლოდ მიხაკი და დარიჩინი 1/2 ჩაის კოვზი.

მომზადება:
მიქსერით ავთქვიფოთ 5/7 კვერცხი, 1 ჩაის კოვზი მარილი და 2 ჩაის ჭიქა შაქარი: 3-ჯერ 2-3 წუთის განმავლობაში, ჩავასხათ 1 ქილა შედედებული რძე და ავთქვიოთ 2-ჯერ 2-3 წუთის განმავლობაში. სასურველია თქვეფისთვის გამოვიყენოთ საკვები პროდუქტებისთვის დასაშვები ვედრო. ცალკე ჭურჭელში მოვათავსოთ: 7დესერტის კოვზი საფუარი იამუნა, 4 დესერტის კოვზი ფქვილი, 3 დესერტის კოვზი შაქარი, 1 სუფრის კოვზი ძმარი და დავასხათ ცოტა თბილი წყალი და მოვურიოთ. ჭურჭელს დავაფაროთ თავსახური და დაველოდოთ დაახლოებით 15 წთ საფუარის ამოსვლას. ცალკე ქვაბში ჩავასხათ ცხელი წყალი-რაოდენობა: 2 შედედებული რძის ქილა და ჩავდოთ კარაქი ან მარგარინი, რათა დადნეს. ბოლომდე დადნობა საჭირო არ არის. ეს მასა თბილი ჩავასხათ ვედროში. ჩავამატოთ ამოსული საფუარი და ავთქვიოთ მიქსერით, ჩავყაროთ 1კგ. ფქვილი, მოვურიოთ ჟერ ხის კოვზით, შემდეგ ავთქვიფოთ მიქსერით ერთგვაროვანი მასის მიღებამდე. დავაფაროთ თავსახური და შევინახოთ სითბოში 2-3 საათის განმავლობაში ცომის ამოფუებამდე. ცომი არ არის სქელი.
ამოფუებულ ცომს დავუმატოთ 2 ფორთოხლისა და 2 ლიმონის ცედრა, ვანილი და კონიაკში გახსნილი სანელებლები (კონიაკი ანეიტრალებს საფუარის სუნს), მოვურიოთ, ჩავყაროთ 2 ჩაის ჭიქა ფქვილი, მოვზილოთ ხის კოვზით, ზელვისას ვუმატებთ 2 ყავის ჭიქამდე მცენარეულ ზეთს. ცომი რომ სწრაფად ამოვიდეს, ვედრო ჩადგით თასში, რომელშიც ასხია თბილი წყალი და დაელოდეთ ამოსვლას. ცომიანი ჭურჭელი უნდა იყოს თავდახურული. ამოსულ ცომს დაამატეთ 1,5 ჩაის ჭიქა ფქვილი და ანალოგიურად ჩაატარეთ გადაზელვის პროცესი. ვედრო ჩადგით თასში, რომელშიც ასხია თბილი წყალი და დაელოდეთ ამოსვლას. ცომიანი ჭურჭელი უნდა იყოს თავდახურული. ამოსულ ცომს დაამატეთ ფქვილში ამოვლებული ქიშმიში და დაჭრილი კურაგა, გადაზილეთ, ჩაალაგეთ ზეთწასმულ ფორმებში-უნდა ავსებდეს ფორმის 1/3-ს, დაელოდეთ ცომის ამოსვლას და გამოაცხვეთ 180-200 გრადუსამდე (საშუალოზე ოდნავ მაღალ ცეცხლზე) ჰაერღუმელში. არ შეიძლება ღუმელის გახსნა 30წთ-ს განმავლობაში, გასინჯეთ ჩხირით, გამომცხვარი პასკები დატოვეთ ქაღალდის ფორმებში. თუნუქის ფორმებში გამოცხობის შემთხვევაში, არ ამოიღოთ გაცივებამდე. სურვილის შემთხვევაში მოაფრქვიეთ შაქრის პუდრა.

Видео სააღდგომო პასკა канала Notarized translating service Geo Engl Tr Ru