Алматы мен Ақтөбе арасына жүрдек пойыз шықты

Алматы мен Ақтөбенің арасындағы жол 12 сағатқа қысқарды. Өткен сенбіден бері Алматы мен Ақтөбе арасында "Тұлпар-Тальго" пойызы жолаушы тасымалдауға кірісті. Тамыздың бірінде таңертең Алматы қаласынан жолға шыққан жүрдек пойыз бір күн, алты сағаттың ішінде Ақтөбеге келіп жетті. Жаңа пойызға билеттердің 80 пайызы сатылған. Жолаушылардың көбі Ақтөбеден түсті. Пойыз жолда тек сегіз станция: Шу, Жамбыл, Шымкент, Арыс-2, Түркістан, Қызылорда, Қазалы және Сексеуілге ғана тоқтайды. Соның арқасында Алматыдан Ақтөбеге дейін 42 сағат жүретін пойыздың уақыты 12 сағатқа қысқарды. Вагондардың жалпы саны - 23, оның 18-і жолаушылар тасиды. Бәрін қосқанда 256 орын бар. Жолаушылардың жайлылығы үшін барлық жағдай жасалған пойыздың билеті арзан емес. Бірақ, "Жолаушылар тасымалы" компаниясы "Гранд" және "Бизнес" санатты вагондарға жеңілдіктер қарастырған. Тариф жыл соңына дейін сақталады. Алматы мен Ақтөбенің арасын жалғайтын бұл пойыз - "Тұлпар Тальго" зауытының сегізінші өнімі. Жыл соңына дейін заманауи пойыздар Астана-Қызылорда, Астана-Өскемен және Алматы-Өскемен бағыттарына қосылады.

Видео Алматы мен Ақтөбе арасына жүрдек пойыз шықты канала РИКА ТВ