Երբ Կվերջանա Կովիդը ու Ինչ Է Սպասվում Մեզ

Ինձ այնպես է թվում, որ ինչքան շուտ ժողվուրդն ապաշխարի, այնքան շուտ այս կովիդը կգնա: Ես այսպես եմ մտածում, որովեհտև, ինչ աղբյուրից էլ գա այս կովիդը (լինի դա պարզ հիվանդություն թէ դավադրություն մարդկության նկատմամբ), հարցը Քրիստոնեայի համար հետևյալն է, ինչու է մեր ամենակարող Հայրը թույլ տալիս այս բանը: Երբ որ խոսում ես լուրջ հոգևոր մարդկանց, քահանաների, կամ եպիսկոպոսների հետ, նրանք ենթադրում են, որ մեր Տերը բարկացած է մեր վրա ու ինչպես ամեն սիրող ծնող, նա կարգապահության է կանչում մեզ:

Քրիստոսը բարկացած է մեր վրա: Եվ մենք պետք է զղջանք մեր գործած չարիքների համար և ուղղենք մեր կյանքը:

Ամերկայում Եփրայիմ Արիզոնացի անունով մի սրբակենցաղ վանական կար: Նա 2019ին մահացավ: Անցյալ տարի, մոտավորապես Արցախյան պատերազմի օրերին նա տեսլիքով երևաց մի կնոջ ու հայտնեց հետևյալ խոսքերը:

Մինչ իր խոսքերրը գրելը, ասեմ որ Արիզոնայում գտնվող Սբ. Անտոն վանքը պաշտոնապես հաստատեց, որ այս տեսիլն Աստծուց է:

«Ապաշխարե՛ք: Ապաշխարե՛ք: Քրիստոսը շատ բարկացած է: Մենք մարդիկս չպետք է լինենք այն հոգևոր վիճակում, որի մեջ ենք այսօր: Մեծ չարություններ են գալիս: Դուք չէք պատկերացնի թէ ինչքան չար: Ափոս այն ամենի համար, որ սպասվում է ձեզ: Ապաշխարեք քանի դեռ ժամանակ կա: Ընկեք ձեր ծնկերի վրա ու հեկեկացեք, ապաշխարության արտասուք հեղեք, թերևս Քրիստոսը մեղմի: Սա նաև կապված է նրա հետ թէ ինչ է կատարվում Ամերիկայում: Շատ մարդիկ կմեկնեն այն ամենի պատճառով, որ գալիս է, շատերը կմեկնեն (կմահանան): Դուք ողորմած չէք իրար նկատմամբ, դուք իրար նկատմաբ ողորմություն չունեք: Դուք դաժան էք: Մարդը մարդու է կուլ տալու: Պատմիր այս բաները քո հոգևոր հորը և ուրիշներին»:

Սիրելի մարդիկ: Խնդրում եմ, լրջությամբ մոտեցեք այս բաներին: Սիրեք Աստծուն ու սիրեք իրար: Մի քիչ ավելի սիրով եղեք ձեր շուրջի մարդկանց նկատմամբ: Փոխեք ձեր խոսքը, միտքն ու վարքը: Փոխեք ձեր գործերը: Տիրապետեք ձեր անձին ու Քրիստոսի անունը կանչեք ամեն օր: Ամեն օր: ժամանակը քիչ է: Այսպես չի կարելի շարունակել ապրել: Այս նշանները չի կարելի անտեսել: Մենք իրար քննադատելով ու կծելով տեղ չենք հասնի:

Հիմա ևս մի կարևոր բան Քրիստոսին սիրող մարդկանց համար: Մենք խնդիր ունենք, մենք պիտի մեր հավատքը կիսենք մեր բարեկամների, ծանոթների հետ: Ով ճանաչել է Քրիստոսին այդ նույն ճանաչողությունը պիտի փոխանցի ուրիշներին: Որպեսզի այդ երջանկությունն ու քաղցրությունն իրենց կյանք էլ ներս մտնի: Եթե դու հետդ ընկերներ ես բերում քարոզի, եթե դու հետդ ընկերներ ես բերում պատարագի, սա է հավատքը: Դու կիսում ես քո հավատքը: Դու գիտես դա ինչ արժեք է: Դու ճաշակել ես ու տեսել թէ ինչ քաղցր է Տերը: Հավատքը սա է: Ձեր հավատքի սերմը պիտի զարգանա, մեծանա, պտղաբերի: Եթե չի մեծանում ուրեմն այդտեղ ապրող ու աճող հավատք չկա, մեռած է: Ինչքան ուզում ես արի եկեղեցի, երգի, չոքի աղոթի: Չէ: Դու պիտի կիսես քո հավատքը:

Видео Երբ Կվերջանա Կովիդը ու Ինչ Է Սպասվում Մեզ канала Armen Hareyan