PUTİN VƏ ƏRDOĞAN ARASINDA TELEFON DANIŞIĞI OLUB

Prezident Rəcəb Tayyib Ərdoğan Ermənistanın işğalçı olduğunu açıq şəkildə Rusiya dövlət başçısı Vladimir Putinə söyləyib. Bunu Türkiyə Prezidentinin mətbuat katibi İbrahim Kalın CNN Türk kanalına müsahibəsində deyib. Türkiyə və Rusiya dövlət başçılarının telefon danışığına toxunan İbrahim Kalın qeyd edib ki, Türkiyə üçün Azərbaycanın təhlükəsizliyi və sərhədlərinin toxunulmazlığı önəmlidir.
İbrahim Kalın qeyd edib ki, təhlükənin hardan gəlməsindən asılı olmayaraq rəsmi Ankara Azərbaycanın yanında olacaq. Bununla belə məsələnin diplomatik yolla həlli üçün Rusiya və Türkiyə prezidentləri birgə işləməyi qərara alıblar.
Qeyd edək ki, dünən Türkiyə və Rusiya prezidentləri Rəcəb Tayyib Ərdoğan və Vladimir Putin arasında telefon danışığı olub. tərəflər Ermənistan-Azərbaycan dövlət sərhədində yaranmış gərginliyi də müzakirə ediblər.

Видео PUTİN VƏ ƏRDOĞAN ARASINDA TELEFON DANIŞIĞI OLUB канала CBC TV Xəbərlər