Бусалба нахана маьршонан маьΙнах болу хьехам

Рузбанан дийнан ша бинчу хьехамехь вайн республикехь шуьйра вевзаш волчу Ιеламстага, НР-н Муфтин заместитела Абдулаев Аслана дуьйцу, хΙун маьΙна ду бусалба нахана еллачу маьршонан.
«АллахΙа вай кху Лаьтта тΙехь даха ховшийна, вайн дахарна оьшург дерриг а делла. Вай баркалле хила деза Дала вайна ниΙматаш даларна. Вайн ницкъ кхочур бац АллахΙа вайна мел деллачун мах хадо а, уьш дагардан а. Дезачу Къуръанан цхьана аятехь Цо аьлла, нагахь Ша деллачун вай мах а хадабахь, иза бахьанехь вайн Далла баркалле а хилахь, Иза вайца дика а хир ву, Цо кхин а шортта вайна ниΙматаш а лур ду.
АллахΙа вайна деллачун мах а хадош, Цо делларг схьаэца хьакъ болчарна юкъахь хуьлда вай. Амма АллахΙа Дуьненахь долчу массо а са долчу хΙуманна делла уггаре а коьрта ниΙмат – иза маьршо ю.
Нагахь нехан вовшашка болу тешам дΙабалахь, церан кхерамзалла дΙайолу, тΙаккха иза дуьне дохаран билгало хуьлу.
АллахΙа нахана деш долу дерриге а таΙзарш адамийн юкъараллехь маьршо а, кхерамзалла а ларъярна лерина ду.
Маьршо ларъяр – массеран а декхар ду. Вай АллахΙах кхера деза массо а меттехь: вешан цΙахь а, арахь а, вай Цунна тешаме а, муьтΙахь а хила деза, иза дарца Цуьнан лаам кхочуш а беш», – элира, шен хьехам чекхбоккхуш, Абдулаев Аслана.

Официальный сайт ТРК "Путь" им. А-Х. Кадырова:
https://trk-put.ru

Официальные аккаунты ТРК "Путь" им. А-Х. Кадырова в соц.сетях:
Twitter - https://twitter.com/trkput
ВКонтакте - https://vk.com/trk_put
Instagram - https://www.instagram.com/trk_put/
Facebook - https://www.facebook.com/trkput/
SalamPeople - https://salampeople.org/trk_put

#БусулбаНаха | #Маршо | #Бакъо

Видео Бусалба нахана маьршонан маьΙнах болу хьехам канала Путь Ислама