Top News/ Anije me eksploziv në Adriatik/ Ngarkesa dyshohet për Izraelin, mjeti lundrues s'ka flamur

Anija e mallrave Kathrin, për të cilën organizata ndërkombëtare joqeveritare Amnesty International beson se po transporton eksploziv në Izrael, pritet të mbërrijë në portin e Koprit në Slloveni, por nuk ka një datë të saktë. Sipas Radio Europa e Lirë, ky informacion është ndër të dhënat e rralla zyrtare për anijen Kathrin, e cila që prej datës 21 korrik lundron nga Vietnami drejt Portit të Koprit në Adriatik.
Amnesty International dhe Kombet e Bashkuara u bënë thirrje vendeve të mos lejojnë hyrjen e anijes në portet e tyre “duke pasur parasysh rrezikun e qartë se një ngarkesë e tillë do të kontribuonte për kryerjen e krimeve të mundshme të luftës në Gazë”. Agjencia nuk shpjegon se pse nuk u dërgua drejtpërdrejt në Izrael ose pse u zgjodhën portet në Adriatik për shkarkim. Sipas REL, më 4 tetor, anija qëndronte në Adriatik rreth 75 milje detare ose rreth 140 km nga Porti i Tivarit dhe se dy ditët e fundit lëvizte në një rreth prej disa kilometrash, pa të dhëna të qarta se në çfarë drejtimi do të shkonte. Më 27 gusht, anija u bllokua që te hynte në ujërat e Namibisë. E ndërtuar në vitin 2010, në Kinë anija Kathrin, mund të transportojë ngarkesë deri në 7.138 ton.
Sipas policisë namibiane, anija është e ngarkuar me 60 kontejnerë trinitrotoluen (TNT) dhe tetë kontejnerë me eksploziv heksogen. OKB u bëri thirrje vendeve që të refuzojnë hyrjen e anijes në portet e tyre, duke pretenduar se këta eksplozivë janë “përbërës kyç në bombat ajrore dhe raketat që Izraeli përdor kundër Gazës së rrethuar”.
Anija Kathrin lundroi nën flamurin e Portugalisë, por pas hetimeve nga autoritetet portugale, anija Kathrin kërkoi heqjen e flamurit të vendit.Sipas mediave portugeze, anija po transporton lëndë shpërthyese të destinuara për prodhuesit e armëve në Izrael, Poloni dhe Sllovaki.
Sipas tyre anija prej ditësh po qëndron në vend, me lëvizje minimale në detin Adriatik, sepse nuk ka flamur, kusht i cili s’mund të pranohet nga asnjë port.
Anija Sipas REL, pritej të hynte në Portin e Tivarit, më 3 tetor, nga ku do të vazhdonte për në Koprit të Sllovenisë, e më tej drejt portit kroat të Ploçës. Organizatat kanë bërë thirrje për respektimin e të drejtës ndërkombëtare, pasi ngarkesa e kësaj anije do të kontribuojë në kryerjen e krimeve të luftës kundër civilëve palestinezë.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Adriatik#Izrael

Видео Top News/ Anije me eksploziv në Adriatik/ Ngarkesa dyshohet për Izraelin, mjeti lundrues s'ka flamur канала Top Channel Albania