აფხაზეთის ომის დროს დაღუპული და უგზო-უკვლოდ დაკარგული 25 გმირის ცხედარი თბილისში გადმოასვენეს

25 ოჯახისთვის 24-წლიანი მოლოდინი დასრულდა. იდენტიფიცირებულია აფხაზეთის ომის დროს დაღუპული და დღემდე უგზო-უკვლოდ დაკარგულად მიჩნეული 25 გმირის ცხედარი. მათ შორისაა სოხუმის დაცემის დღეს, აფხაზეთის მინისტრთა საბჭოს შენობის წინ დახვრეტილი სოხუმის მერის, გურამ გაბისკირიას და უშიშროების პოლკოვნიკ მამია ალასანიას ნეშტები.

მრავალწლიანი ძებნის შემდეგ ცხედრებს სოფელ იაშტუხაში მდებარე სამარხში მიაგნეს.

2010 წელს წითელი ჯვრის საერთაშორისო კომიტეტის ჩართულობით დაწყებული რთული პროცესის შედეგად 1992-93 წლების საომარი მოქმედებების დროს დაღუპული უკვე 325 ადამიანის ცხედარია აღმოჩენილი.

25 გმირის ოჯახები დღეს დევნილთა სამინისტროში მიიღეს. შეხვედრამ ემოციურ ფონზე ჩაიარა.

გურამ როგავას სიუჟეტი.

Видео აფხაზეთის ომის დროს დაღუპული და უგზო-უკვლოდ დაკარგული 25 გმირის ცხედარი თბილისში გადმოასვენეს канала პირველი არხი Georgian Public Broadcaster