ЗАКАЗ БЕРГЕН КІМ? Сапарбаевтың Басы Бәлеге Қалды!

Бәріңізге ассалаумағаликум. Жамбылдағы жарылыстан ақпарат таратамын деп бірнеше журналистің басы бәлеге қалды. Апат кезінде депутаттың ауласында тұрған снарядқа ұқсас заттарды көріп қалып, тікелей эфирге шыққан "7 арнаның" тілшісі Данияр Әлімқұлдың үстінен қылмыстық іс қозғалған. Полииця департаменті екі тілшіні тергеуге куә ретінде шақырып, телефондарын тартып алыпты. Ең масқарасы олардың үстінен шағым түсірген Жамбыл облысының әкімдігі екен. Сонда апат туралы ақпарат жеткізіп, тау боп үйілген снарядты эфирге шығарған тілшінің қандай кінәсі бар? Ақпарат министрі Аида Балаева кімді жақтайды? Ал журналистиканың қазанында қайнаған, бұрынғы тілші, бүгінгі депутаттар неге үнсіз отыр? Әріптестеріне араша сұрап қай журналист қандай өткір уәж айтты? Мұны сізге білген дұрыс!
Ардақты ағайын каналымызға тіркеліп, қоңыраушаны басып қолдау көрсетіңіз. Сіздерге маңызды, өзекті һәм қызықты ақпараттарды ұсыну үшін тынбай қызмет ете береміз!
Мына снарядттар, оны түсірген мына журналист бәріңізге таныс болар. 7 арнаның тілшісі Данияр Әлімқұл дәл осы бейнематериалы үшін Жамбыл облысы әкімдігінің қаһарына ұшырап отыр. «Таз өшін тырнадан алыпты» дегендей олар апаттың салдарын анықтаудың орнына тілшіге тісін батырған. Сөйтіп шынайы ақпарат таратып, қауіпті затты халыққа көрсетіп қойған журналистің үстінен шағым түсіріпті. Полиция қылмыстық іс қозғап, екі БАҚ өкілін тергеуге алған. Сорақысы сол олардың телефондары заттай айғақ ретінде тәркіленіпті. Әрі бұл іс туралы ешкімге ештеңе айтпау туралы қолхат жаздырған.
Бөріктінің намысы бір деген. Әріптестері дауға ілініп нақақтан-нақақ күйіп жатқанда журналистер қарап қалсын ба?! Бір тобы алып ұшып прокуратураға барды. Бұл жайлы Жасұлан Әбдіхалық былай баяндайды. Прокуратураң пысқырмады. Аға көмекшімін деген әдемі қыз шығып, "келесі аптаның сейсенбісінде келіңдер қабылдаймыз немесе әне тұрған қорапқа шағымдарыңды тастаңдар, болды" деп бұрылып кетті. Аайнала бала-шағаға қауіп төндіріп жатқан пәленбай тонна металломды эфирге шығардың, сол арқылы қоғамдық тәртіпті бұзып жалған ақпар тараттың, жұртты дүрліктірдің деп айыптаса, қолындағы соткасын тәркілеп алса біздің құзырлы органдар біткен екен. Шырақтарым ау, қайта дер кезінде дабыл қағып елді сақтандырып, құзырлы органдарды құлақтандырып ақпарат таратқаны үшін сотка сыйлайтын жөндерің ғой. Ақпарат таратушылармен алысқанша алапат апаттың себебін анықтап, кінәлілерді жазалайтын уақыттарың болды емес пе? Деп күйінді ол.
Тағы бір бейресми нұсқа, облыстағы олқылықтарды жазып қайта-қайта мазаларын алған меншікті тілшілерді бір тұқыртып, қорқытып алайын деген тапсырыс болуы да мүмкін. Бұл тапсырыс әкімдіктің өзінен немесе прокуратура мен КНБ дан келуі бек мүмкін деген де нұсқа айтылды әріптестер арасында. Әйтпесе республикалық каналдың тілшілеріне ДВД ның шүйлігуіне онша иланбай отырмыз. Олай дейтініміз бұл ақпарат Даниярдың жеке акаунтынан таратылған жоқ. 7 арнаның ресми акаунттарынан жарияланды. Шығарушы редактордан бастап- бас редакторға дейін сүзгіден өтті. Демек, ДВД алдымен каналды тергеуге шақыруы керек! деп жазды ол әлем желідегі парақшасында.
Жарылғаны рас. Жарған Данияр Әлімқұл емес! Қазір журналистер қол жинап, Даниярға араша сұрап жатыр. Бәрінің айтқан уәжі сонда егер қауіпті затты көрсең үндемей кету керек пе?

Видео ЗАКАЗ БЕРГЕН КІМ? Сапарбаевтың Басы Бәлеге Қалды! канала BILGEN DURYS