Қасым-Жомарт Тоқаевпен кездескен Қырғыз президенті «Мен қазақпын» өлеңінің бір шумағын оқып берді

Бүгін Нұр-Сұлтанға Қырғызстан президенті Садыр Жапаров келді. Қасым-Жомарт Тоқаевпен кездескен Қырғыз елінің басшысы екі елдің ынтымағын нығайтуға мүдделі екенін аңғартты.
Бауырлас әріптесін күтіп алған Қасым-Жомарт Тоқаев "осы уақытқа дейін бірлесіп жұмыс істеп келген барлық саланы тағы да дамытамыз, бірлігімізді одан сайын нығайтамыз" деді. 15 жылдың ішінде қазақ бизнесмендері Қырғызстанға 1 миллард доллардан астам инвестиция құйған. Сол үшін де екі тарап байланыстарын арттыруға мүдделі. Әсіресе сауда, мәдениет пен коммуникация саласында байланыс тығыз. Қос президент жастардың да жағдайын талқылады. Енді Қазақстан тарапы қырғыз жастарына бөлінетін білім квотасын 10 есе көбейтеді. Бішкекте Қазақстанның беделді университеттерінің филалы ашылады. Қасым Жомарт-Тоқаев: "достығымыз жалғасады, енді Бішкекте Абайға, Нұр-Сұлтанда Манас пен Шыңғыс Айтматовқа арнап ескерткіш салынады" деді. Алғаш мемлекеттік сапарында ризашылығын білдірген Садыр Жапаров Жұбан Молдағалиевтің «Мен қазақпын» деген өлеңінің бір шумағын оқып берді.
САДЫР ЖАПАРОВ, Қырғыз Республикасының Президенті:

– "Мен қазақпын, қырғыз болып туысқаным, бирге тартқан тарланның құйысқанын, анамыздан қаракөз бир қыз балким, бөліп берген егізге уыс нанын" деп. Осы төрт сапырмен қазақ пен қырғыз қандай ел екенін, қандай бір-біріне жақын екенін терең мағынада түсіндіріп кеткен. Біз бұдан артық қазақ пен қырғызға айтып жеткізе алмаймыз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Садыр_Жапаров #Президентпен_кездесу

Видео Қасым-Жомарт Тоқаевпен кездескен Қырғыз президенті «Мен қазақпын» өлеңінің бір шумағын оқып берді канала Информбюро 31