"Арчы" народнай хор толоруутугар Саха бастакы Президенигэр М. Е. Николаевка.

Саха бастакы Президенигэр М. Е. Николаевка.

Норуотуҥ дьолугар төрөөҥҥүн
Саханы Эн саха дэттэҕиҥ.
Кэрэгэй дьылҕалаах бэйэтин
Кэскиллээх кэккэҕэ таһаартыҥ.

Саха диэн аҕыйах ахсааннаах,
Самныбат саргылаах норуоту
Омуктар сэргииллэр, сөҕөллөр
Дэгиттэр дьоҕурун биһирээн.

Ол онно олугу Эн ууртуҥ
Былааһы саҥалыы салайан,
Ырааҕы анаарар толкуйуҥ
Ыллыктаах тускулун тобулан.

Оҕоҕо, ыччакка туһаайбыт
Кэскиллээх былааныҥ салҕанар,
Муҥутуур ситиһии дабаанын
Эн аатыҥ куруутун дабайсар.

Норуоккар оҥорбут үтүөҕүн
Барытын ааҕан да сиппэккин.
Бар-дьонуҥ махтала, таптала
Салҕаныа үйэттэн үйэҕэ!

Лидия Петрова.
11.11. 2021с.
Москва. Бэс Чагда.

Видео "Арчы" народнай хор толоруутугар Саха бастакы Президенигэр М. Е. Николаевка. канала Арчы Дьиэтэ