Ақжолдық депутат Макс Боқаевқа қатысты «азаматтық пікірін» жеткізді

Ақжолдық депутат Берік Дүйсенбинов «Макс Боқаевты кешірім сұрап босатуымыз керек» деп есептейді. Өйткені, кезінде шетелдіктерге сатылып кетуге аз қалған қазақ жерін қорғап, заңға мораторий енгізуге әкелген Макс сияқты азаматтар ұйымдастырған митингтер дейді ол. Телефон арқылы берген сұхбатында «бұл азаматтық пікірім» деген Дүйсенбинов, Парламентте Асқар Мәминге «Жер кодексіне қатысты мораторий биыл аяқталады, 5 жыл ішінде нақты не шешілді?» деген сауал жолдады.
БЕРІК ДҮЙСЕНБИНОВ ҚР Парламенті Мәжілісінің депутаты:
– Ақжол партиясы Үкіметтің жанындағы жер комиссиясына шетелдік компаниялар мен азаматтарға жерді сатуға, сондай-ақ Қазақстанмен шекаралас шет мемлекеттер мен олардың азаматтарына жерді сатуға, жалдауға ұсынысытарын жолдаған еді. Бірақ белгісіз себептермен комиссияның хаттамасына бұл енгізілмей қалды.
2016 жылғы жер митингтерін еске салған Дүйсенбинов Жер кодексіне ешқандай өзгеріс енгізілмесе, мараторий аяқталған кезде бұрынғы заң қайтадан күшіне енетінін айтты. Яғни, Жер кодексінің 24-бабына сәйкес, ауыл шаруашылығы мақсатындағы жерлерді шетелдіктерге жалға беру мерзімі 10 жылдан 25 жылға дейін ұзартылады. Естеріңізге түсірек, 2016 жылдың 1 шілдесінен бастап ауыл шаруашылығы мақсатындағы 1,7 млн гектар жер аукцион арқылы сатылымға шығатынын Ерболат Досаев айтқан еді.

Сол кезде еліміздің әр аймағында бұған наразылық білдірген митингтер өткен. Даулы мәселені шешу үшін сол уақыттағы президент Нұрсұлтан Назарбаев жер реформасы жөніндегі комиссия құруды тапсырып, 2021 жылдың аяғына дейін шетелдіктерге жер беру мәселесіне мораторий енгізу туралы жарлыққа қол қойды.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Ақжолдық депутат Макс Боқаевқа қатысты «азаматтық пікірін» жеткізді канала Информбюро 31