Дзæуджыхъæуы сæрмагонд техникæ цæттæ у зымæгмæ

Дзæуджыхъæуы сæрмагонд техникæ цæттæ у зымæгмæ. «Спецэкосервис» -ы куыст федта Дзæуджыхъæуы администрацийы сæргълæууæг Фæрниаты Тамерлан. Зымæгмæ автопарк цалцæггонд æрцыд, цæмæй Дзæуджыхъæуы фæндæгтæ афойнадыл æфснайд цæуой.

«Спецэкосервис» -ы разамонæг Козырты Рустамы ныхæстæм гæсгæ, уынгтæ уыцы-иу рæстæг æфснайдзæн техникæйы 40 иуæджы. Куыстуат фæндæгтæ пырх кæндзӕн змис æмæ цæххӕй. Коммуналон службæтæ зымæгон рӕстӕг æмгуыст кæндзысты Паддзахадон инспекцийы кусджытимæ.

Инспектортæ кæсынц горæты фæндаджы зын хæйттæм æмæ бырынцъагдæр кæм у, уыцы уадздзагтæм. Цæндтæ кæм фæзыны, уым дæр сæрмагонд службæтæн баххуыс кæнынц инспектортæ. Иннæ аз ма горæты хицауад сфæнд кодта цæхх змисимæ реагенттыл раивын. Практикæ куыд амоны, афтæмæй бырынцъаджы ныхмæ уый у хуыздæр хос.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Дзæуджыхъæуы сæрмагонд техникæ цæттæ у зымæгмæ канала iRYSTON TV