ԵՐԿՈւ ՎՏԱՆԳ ԿԱ. Սա կործանարար է․ Թուրքերի միանալը մահաբեր է․ Մոսկվան ու Անկարան դաշնակից չեն

Factor TV-ն զրուցել է արտակարգ և լիազոր դեսպան Արման Նավասարդյանի հետ։
Պարո՛ն Նավասարդյան, ինչպե՞ս է նայում Ռուսաստանը Թուրքիայի գործողություններին մեր տարածաշրջանում և, մասնավորապես, Լեռնային Ղարաբաղում։ Ըստ Ձեզ՝ արդյո՞ք Ռուսաստանը համարում է, որ Անկարան գործընկեր է, որի հետ կարելի է լեզու գտնել՝ ինչպես Արցախի պատերազմում, Սիրիայում։
Խանդ կա, իհարկե։ Ռուսաստանն ու Թուրքիան երբեք իրար բարեկամներ չեն կարող լինել։ Հիշե՛ք իմ խոսքը։ Պարբերական ջերմացումները կապված են շահերի հետ՝ և՛ տնտեսական, և՛ ֆինանսական, և բոլորը, իմ խորին համոզմամբ, կրում են ժամանակավոր բնույթ։ Ռուսաստանը և Թուրքիան չեն կարող դառնալ ռազմաքաղաքական դաշնակիցներ, ինչպես նաև Ադրբեջանը չի կարող դառնալ։ Միակ երկիրը, որի վրա այս տարածաշրջանում Ռուսաստանը կարող է հույս դնել, դա Հայաստանն է։ Մենք պետք է կարողանանք դա Ռուսաստանին հասկացնել։ Այն, ինչ կատարվում է այստեղ՝ ես վերադառնում եմ Նախիջևանի միջանցքին, սա կործանարար է Հայաստանի համար։ Այդ բոլորը հեքիաթներ են, թե ճանապարհներ են բացվում։ Տեսեք՝ Ալիևը ոնց է ոգևորվել, թե Հայաստանին ճանապարհ են տալու Նախիջևանի և Ադրբեջանի վրայով՝ Ռուսաստան և Իրան հասնելու համար։ Այս ճանապարհների ապաշրջափակումը կործանարար է, որովհետև շրջափակվում է Հայաստանը։ Հարավը կտրում են Հայաստանից, Հայաստանի հարավում ստեղծվում է այն գիծը կամ աղեղը, որը կոչվում է թուրքական։

Նյութի աղբյուր՝ factor.am

#lurer #apashrjapakum #mexrisyunik #hayastanadrbejan #alieverdoxan

Видео ԵՐԿՈւ ՎՏԱՆԳ ԿԱ. Սա կործանարար է․ Թուրքերի միանալը մահաբեր է․ Մոսկվան ու Անկարան դաշնակից չեն канала Banber News