Ақтөбеде спорт мектебінің оқушысы есінен танып құлап, жедел жәрдем көлігінде көз жұмды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтөбеде спорт мектебінің оқушысы есінен танып құлап, жедел жәрдем көлігінде көз жұмды. Қайғылы оқиға интернаттың жатақханасында болған. Еркін күреспен айналысатын жеткіншектің өліміне не себеп болғаны қазір анықталып жатыр. Ал оқу орнының басшылығы Бексұлтан есімді 8-сынып оқушысына әлімжеттік көрсетілді ме деген сұраққа жауап бере алмады. Қазір полиция денсаулыққа қасақана ауыр зиян келтіру бабы бойынша қылмыстық іс қозғап, тергеуді бастады. Толығырақ әріптесім Кәмшат Қопаеваның материалында.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Қайғылы оқиға кеше кешкі сағат 9-дар шамасында Есет батыр атындағы спорт мектебінде болған. Жатақханадағы балалардың бірі тәрбиешіге келіп, су сұрапты. Сөйтсе, Бексұлтан есінен танып құлаған екен. Оқиға орнына жедел жәрдем қызметі келіп, талып қалған жеткіншекке медициналық көмек көрсетіпті. Бірақ оның жүрегі ауруханаға жетпей тоқтаған екен.
ҚАЙРАТ АЖБАҒАМБЕТОВ, Есет батыр атындағы олимпиада резерві облыстық мамандандырылған мектеп-интернат-колледжінің директоры:
– Бізде отбой сағат онда кешкі. Ол оқиға тоғыздан кете болды. Отбойға дайындалып жатқан кезде. Ол бала сегіз оқиды. 7 кластан оқуға келген бала. Еркін күрес бөлімінде. Тәрбиешілер бәрі график бойынша орнында болған. Құлаған кезде келіп бірінші медициналық көмек берілген. Ондай ауру нелері болған жоқ. Спортпен шұғылданып жүрген балалар ғой. Екі рет тренировка істеп жүрген.
Жаңа басшы Есет батыр атындағы олимпиада резервінің облыстық мамандандырылған мектеп-интернатына екі ай бұрын келіпті. Сол уақыт ішінде интернаттағы балалар арасында төбелес болмады, әлімжеттік туралы естімедім деп отыр. Еркін күреспен айналысқан Бексұлтанның өліміне нақты не себеп болғаны әзірге белгісіз. Қазір полиция іс қозғап, тергеуді бастады.
ЕРБОЛАТ САРҚҰЛОВ, Ақтөбе облыстық полиция департаменті баспасөз қызметінің жетекшісі:
– Денсаулыққа қасақана ауыр зиян келтіру фактісі бойынша сотқа дейінгі тергеу басталды. Сондай-ақ, спорт мектебінің қызметкерлеріне қатысты мiндеттерiне адал қарамау фактісі бойынша сотқа дейінгі тергеу жүргізілуде. Барлық қажетті сараптамалар тағайындалды.
Яғни, қайғылы оқиғадан кейін мектеп-интернаттың қызметкерлері де жазалануы мүмкін. Ал, марқұмның егізі бар. Қайтыс болған 8-ші сыныптың оқушысы сыңарымен бірге оқып, спортпен шұғылданған. Бексұлтан жақсы нәтиже көрсетіп, көк туымызды халықаралық жарыстарды көтеруді армандаған екен. Қара жамылған отбасы Ақтөбеде тұрады. Айта кетейік, бұл оқу орнында 300 бала білім алады.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Ақтөбеде спорт мектебінің оқушысы есінен танып құлап, жедел жәрдем көлігінде көз жұмды канала Информбюро 31