Масқара болдық! Қазақстан футболына бөлінетін миллиардтар кімнің қалтасына кетіп жатыр?

Футболдан Қазақстан құрамасы Франция құрамасынан 8:0 есебімен ұтылып, кешелі бері қазақстандық жанкүйерлер шулап жатыр. Бір топ қоғам белсендісі мен депутаттар футболға емес, күрес, ауыр атлетика мен бокске басымдық беруіміз керек десе, футбол федерациясындағылар 8:0 болып жеңілгеніміз қалыпты жағдай деп қарайды. Ал, жыл сайын әрбір футбол клубына бөлінетін миллиардтардың сұрауына әзірге ешкім бас қатырған емес.
Мысалы, ел қазынасынан жылда кемінде 1 миллиард теңге алып келе жатқан 14 футбол клубының 12-сінде әлемдік стандартқа сай стадион жоқ. Клубтарға бөлінетін қаражаттың көбі инфрақұрылымға емес, шетелден келіп ойнайтын футболшылардың қалтасына кетеді.
Қоғам белсендісі Мұрат Әбенов Футбол федерациясының Президенті Әділбек Жақсыбековтен 3 жылда футболға 105 миллиард теңге бөлінгенінің анық-қанығын сұрап пост жазды. Алайда, футбол федерациясының өкілдері әрбір клубқа бөлінетін ақшаға қатысымыз жоқ, оны әрбір облыстың әкімі шешеді деп отыр. Ал, Франциядан сегізде нөл боп ұтылғанымыз қалыпты жағдай дейді.
МҰХАММЕД МӘУЛЕН, ҚР Футбол Федерациясы Қоғаммен байланыс департаментінің директоры:
– 105 млрд деген масқара көп ақша енді! Қазақстан Футбол федерациясында ондай ақша бұрын-соңды болмаған. Енді ол 105 млрд-ты қайдан алды десеңіз әр футбол клубтары облыстағы 14 футбол клубымыз осыншама ақша жаратқан. Иа, ол рас болуы мүмкін. Әлемде бір 30-40 мемлекет бар шығар Франция оп-оңай сондай қып ұта алатындай. Мысалы. Жалғыз біз емеспіз! Ол әлем чемпионы ғой.
Ал, мәжіліс депутаты Берік Әбдіғали әкім-қаралар футбол клубтарына миллиардтарды бөлгізіп алғанымен, нәтижесіне бас қатырмайды дейді. Оның пікірінше футболға емес, бокс, күрес пен ауыр атлетикаға ден қоюымыз керек.
БЕРІК ӘБДІҒАЛИҰЛЫ ҚР Парламенті Мәжілісінің депутаты:
– Приоритеттер бар да. Одан дағы бар күшімізді бокске салайық. Өз қолымыздан не келеді, содан бастайықшы. Бокс, күрес бар. Басқа спорттарымыз бар құдайға шүкір. Соларға күш салайық.
Спорт журналисі Есей Жеңісұлы әкімдер қазір шетелдік легионерлерге жөн-жосықсыз ақша шашады деп отыр. Миллиардтар бөлінгенімен, қазір әлемдік стандартқа сай салынған екі-ақ стадионымыз бар. Ал, дені дұрыс инфрақұрылымсыз, футболды дамыту мүмкін емес. Сол үшін өңірлердегі футболдың дамуы сол аймақтың басшысына тікелей қатысты дейді.
ЕСЕЙ ЖЕҢІСҰЛЫ, Спорт журналисі:
– Әлемдік стандартқа сай екі-ақ стадион бар. Біреуі - Алматыдағы орталық стадион. Екіншісі Нұр-Сұлтандағы Астана арена стадионы. Бізде әкім жақсы болса сол өңірдің футболы дамиды. Мысалы осы жолы Тобылдың чемпиондығын әкім Архимед Мұхамбетовпен байланыстырып жатқандар өте көп. Яғни, әкім жергілікті футболға көп көңіл бөлу керек дегенді айтады!
Франциядан жеңілгенімізді футбол федерациясындағылар негізгі құрамда ойнап жүрген 7 бірдей ойыншының жарақат алып ойынға қатыса алмауымен байланыстырады. Қанша жерден бапкер ауыстырсақ та ұлттық құрамада футбол ойнай алатын футболшылар өзгермейді дейді. Биыл да, келесі жылы да жеңілеміз, сондықтан футболға мемлекеттік деңгейде реформа жасауымыз керек деп отыр.
Айбар Төлжанұлы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#футбол #КПЛ #әлем_чемпионаты #ҰлттықҚұрама #спорт

Видео Масқара болдық! Қазақстан футболына бөлінетін миллиардтар кімнің қалтасына кетіп жатыр? канала Информбюро 31