СҚО-да азық-түлік бағасы күрт өсіп, қара халықтың қалтасына ауыр тиюде

Еліміздің солтүстігінде азық-түлік бағасы күрт өсіп, әсіресе күнбағыс майы мен жұмыртқа қымбаттап кетті. Бұған дейін 500 теңгенің төңірегінде болған сұйық майдың бір литрі қазір дүкен сөрелеріде 800 теңгеден. Ал тұрғындар «қымбатшылыққа жол бермейміз» дейтін Үкімет қайда қарап отыр деп ашулы.
Петропавлда соңғы бір аптаның ішінде әсіресе, тауық жұмыртқасының бағасы аспандап кеткен. Жаз айларында 200 теңгеге дейін түсіп, күзде 300 теңгеге көтерілсе, қазір жұмыртқаның он данасы 500 теңгеге жуықтаған. Тұрғындар жұмыртқаның бағасы бірнеше күннің ішінде 150 теңгеге қымбаттағанын айтады.
Базарлардың өзінде қызанақтың бір келісі 650 теңгеден, қияр 850 теңгеге дейін өсіпті. Бұл көкөніс түрлері желтоқсан айында қатты қымбаттапты. Ал күнбағыс майының бағасы тіптен қымбат. Небәрі бір литр сұйық май 745 теңге жетіпті.
Солтүстікте биыл тұмаудан жарты миллионнан артық құс қырылған болатын. Сол кезде жергілікті билік бағаны ұстап тұрамыз дегенмен, іс жүзінде олай болмай шықты дейді көпшілік. Ал әкімдіктегілер азық-түлік бағасын ұстап тұра алмағандарын мойындайды.
Ал облыстағы күнбағыс майын шығаратын жалғыз зауыт өнімдерді шетелге экспорттайды екен. Өңір арзан өніммен өзін өзі қамтудың орнына күнбағыс майын түгелімен Қытайға тасиды.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео СҚО-да азық-түлік бағасы күрт өсіп, қара халықтың қалтасына ауыр тиюде канала Информбюро 31