រឿងផ្ទះចំណាស់ក្បែព្រៃ by Mr.Reach និទាន

សូមស្វាគមន៍! នេះជាឆានែលនិទានរឿងខ្មោច!
by Mr.Reach និទាន
អត្ថបទរឿង៖
រឿងខ្មោច៖ ផ្ទះចំណាស់ក្បែរព្រៃ
មានភូមិមួយដ៏ស្ងប់ស្ងាត់ ក្បែរជើងភ្នំ។ នៅក្នុងភូមិនោះមានផ្ទះបុរាណមួយខ្នងសង់ពីឈើប្រក់ក្បឿង ចាស់ទ្រុឌទ្រោមគួរឲ្យខ្លាច។ អ្នកស្រុកគ្រប់គ្នា តែងនិយាយតៗគ្នាថា ផ្ទះនោះមានខ្មោចលង ព្រោះគ្មានអ្នកណាហ៊ានចូលទៅនៅឡើយ។
មានគ្រួសារមួយដែលម្តាយឈ្មោះកញ្ញានិងឪពុកឈ្មោះសីហានិងកូនប្រុសម្នាក់ឈ្មោះសុខា គ្រួសារនេះបានទិញផ្ទះចំណាស់នេះនិងបាននាំប្រពន្ធកូនរបស់គាត់ទៅស្នាក់នៅ។ ពេលដែលគ្រួសារនេះបានចូលដល់ផ្ទះចំណាស់នេះពួកគេមានអារម្មណ៍ថាស្រៀវៗឆ្អឹងខ្នងព្រោះឃើញរបស់របរផ្សេងៗក្នុងទីនោះមានភាពចាស់ទ្រុធទ្រោមលាយលំនិងភាពងងឹតដែលគ្របដណ្តប់ដោយដំបូលចាស់ពិដានចាស់នោះផងដែរ។ គ្រួសារនេះបានរៀបចំម្នាក់មួយដៃមួយជើងក្នុងការសំអាតផ្ទះ សុខាបានឃើញរូបថតក្មេងប្រុសម្នាក់ដែលគេដាក់តាំងលើតុ គាត់ហាក់បីដូចជា ចំឡែក អារម្មណ៍ ក៏ដើរទៅជិតលើកកាន់ថ្មមៗមើលទាំងឆ្ងល់ថា ហេតុអ្វីរូបថតនេះប្រលាក់ឈាម? គាត់ក៏កាន់រូបថតនោះទៅសួរម្តាយ។
កញ្ញាជាម្តាយបានប្រាប់កូនរបស់ខ្លួនថា៖
កុំខ្វល់អីកូនយករូបនេះទៅដាក់ក្នុងធុងសម្រាមទៅ! កូនប្រុសបានធ្វើតាមសំដីរបស់ម្តាយ បន្ទាប់ពីរៀបចំអីវ៉ាន់រួចរាល់ដោយអស់កម្លាំងផងពួកគេក៏នាំគ្នាមុចទឹកដើម្បីសម្រាក។ កញ្ញាបានដោះសម្លៀកបំពាក់ដាក់ក្បែរខ្លួនចាប់កាន់ផ្តិលដងទឹកមុច ទាំងត្រជាក់កាយាផងនោះ មានដៃនរណាម្នាក់លូកចេញតាមពិដានប្រឡាក់ដោយឈាម មកកាន់ម្តាយរបស់សុខា។ ដោយសារតែសំឡេងទឹកនិងមិនបានចាប់អារម្មណ៍ផងនោះ ម្តាយសុខាមិនដឹងឡើយថាមានដៃប្រឡាក់ដោយឈាមលួកមករកនាងសោះឡើយ។
សុខានិងគ្រួសាររបស់គេបានទៅសម្រាកក្នុងបន្ទប់រៀងៗខ្លួន។
សុខាបានបិទភ្នែកគេងទៅហើយនោះ ស្រាប់តែកែវទឹកដែលគេដាក់លើទូក្នុងបន្ទប់ បានធ្លាក់ចុះមកលាន់ សូរតែប្រាវៗ ដោយគ្មានមូលហេតុ។
សុខាបានងើបពីគ្រែដើរទៅរើសកែវទឹក ទាំងងឺងឆ្ងល់ ។
សុខាដើរដល់កន្លែងអំបែងកែវទឹកដែលបែក គាត់បានឪនរើសម្តងមួយៗ កំពុងតែរើសគាត់បានមើលតាមក្រោមប្រឡោះជើងស្រាប់តែវត្តមានរបស់ក្មេងម្នាក់លេចឡើងទាំងភ្នែកហូរឈាមព្រមទាំងសក់រញ៉េរញ៉ៃ។ សុខាឃើញហើយភ័យណាស់គាត់បានរត់ទៅបន្ទប់ឪពុកម្តាយរបស់គាត់។
កាត់មកដល់បន្ទប់របស់កញ្ញានិងសីហាវិញពួកគេទាំងពីរកំពុងតែឪបថើបគ្នាយ៉ាង មានក្តីសុខ
សំឡេងស្រែកហៅនិងគុសទ្វាបានកាត់ចង្វាក់អ្នកទាំងពីរ។
ម្តាយរបស់សុខាបានស្លៀកពាក់ខោអាវវិញហើយដើរទៅបើកទ្វាឲ្យកូន
និងសួរទាំងឆ្ងល់ថា៖
កូន តើមានរឿងអី! សុខាមិនលាក់បាំងឡើយគាត់ប្រាប់គ្រប់យ៉ាងតាមដំណើររឿងដែលគាត់ឃើញនោះ។
ឪពុកម្តាយរបស់សុខាក៏លួងលោមកូនហើយអោយកូនប្រុសរបស់ខ្លួនគេងលើគ្រែជាមួយគ្នារហូតទាល់ភ្លឺ។
លុះព្រឹកឡើងគ្រួសារមួយនេះ បានធ្វើដំណើរទៅភូមិជិតនោះ ដើម្បីទិញបន្លែនិងម្ហូបទុកធ្វើជាអាហារ ពេលទៅដល់ទីនោះ អ្នកភូមិឆ្ងល់ណាស់ថា តើគ្រួសារមកនេះមកពីណាចំឡែកមិនដែលឃើញមុខ?
អ្នកភូមិម្នាក់ក៏បានសួរថា៖ សួស្តី ! តើអ្នកទាំង៣រស់នៅទីណាបានជាមិនដែលឃើញមុខ?
ម្តាយរបស់សុខាតបវិញថា៖
ចាស់! អ្នកមីង! ពួកខ្ញុំចំណាកស្រុក មករស់នៅផ្ទះចំណាស់ចុងភូមិនេះទើបតែបានមួយយប់ទេ ហើយក៏មកទិញម្ហូបទីនេះ។
អ្នកភូមិម្នាក់ចំណាស់ម្នាក់នោះតបវិញថា៖ ថាម៉េចពួកឯងទៅរស់នៅក្នុងផ្ទះចំណាស់! ពុទ្ធោ!!! តើឯងដឹងទេ? អ្នកទាំងអស់គ្នាកំពង់យកជីវិតទៅប្រលែងនឹងមច្ចុរាជហើយ ផ្ទះនោះជាកន្លែងឃាតកម្មដ៏សាហាវរបស់ខ្មែរក្រហម បានយកមនុស្សចាស់ក្មេង ប្រុសស្រីជាច្រើនទៅព្យូរករសម្លាប់ចោលទីនោះ
បន្ទាប់ពីបានដឹងរឿងគ្រប់យ៉ាងពីអ្នកមីងចំណាស់នោះ គ្រួសាររបស់សុខាបានផ្តូរទីតាំង ពីផ្ទះចំណាស់ទ្រុធទ្រោម ទៅកាន់ទីក្រុងវិញភ្លាមៗ។
រីឯផ្ទះចាស់នោះ ក៏នៅតែបន្ត ស្ងៀមស្ងាត់
គ្មានអ្នកណាហ៊ានចូលទៅនៅដដែល។
អ្នកស្រុកនៅតែបន្តនិយាយតៗគ្នាថា ខ្មោចនៅតែលងបន្លាចអ្នកណាដែលហ៊ានចូលទៅជិតផ្ទះនោះ។
រឿងនេះចង់ប្រាប់អោយយើងដឹងថា
មុននឹងចូលទៅរស់នៅផ្ទះរឺកន្លែងណាមួយ កុំទៅនៅ ភ្លាមៗដោយមិនមានការសាកសួរ ពីប្រវត្តិរបស់វា ព្រោះភាពមិនដឹងក៏អាចសាងបាននូវកំហុសនិងការស្តាយក្រោយផងដែរ។ ចប់។
________________________________________

Видео រឿងផ្ទះចំណាស់ក្បែព្រៃ by Mr.Reach និទាន канала Mr. Reach និទាន