Таразда көп қабатты екі үй құлағалы тұр

Таразда екі бірдей көп қабатты үй қауіпті жағдайда тұр. Қазірдің өзінде қабырғалары сөгіліп, кірпіші үгітіле бастаған. Ал кәріз жүйесінің сау тамтығы жоқ, әбден шіріген. 260 пәтерлі екі үйде шыбын-шіркей, құрт-құмырсқа да қаптап өріп жүр. Жұрттың берекесін қашырған тұрғын жай енді қашан жөнделеді? Әлде жөнделмей ме? Онысы беймәлім.

Төле би көшесінің бойындағы мына номері 8 және 4 үй апатты жағдайда. Қызыл кірпіштен қаланған қабырғалары жарты белге дейін үгітіліп, бетон тіреулер құлағалы тұр. Бұл күйде тұрғанына 20 жылдан асты. Ал мұнда 200-ден астам отбасы өмір сүріп жатыр. Енді ол аздай кәріз құбырлары ескіріп, жарылып кеткен.

Кәріздің сасық иісі кіреберістен қолқаны қабады. Жұрт бұған үйреніп кеткені соншалық көңіл аудармайтын жағдайға жеткен. Бірдеңе сұрасаң қолды бір сілтейді. Мәселені айта-айта ығыр болғанбыз дейді олар.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео Таразда көп қабатты екі үй құлағалы тұр канала Телеканал Хабар 24