TALEH ZİYADOV: “BAKI LİMANINDAN KEÇƏN YÜKLƏRİN 85%-İ TRANZİTDİR”

İsveçrənin Davos şəhərində keçirilən Dünya İqtisadi Forumunda Xəzər həftəsi çərçivəsində “Xəzər nəqliyyat dəhlizləri qlobal dəyişikliklər fonunda” mövzusunda panel müzakirəsi keçirilib. Toplantıda “Bakı Beynəlxalq Dəniz Ticarət Limanı” QSC-nın baş direktoru Taleh Ziyadov çıxış edib. Taleh Ziyadov Bakı Limanının “Şərq–Qərb” nəqliyyat dəhlizində mühüm yer tutduğunu bildirib. Qədim İpək Yolunun tarixindən danışan liman rəhbəri qeyd edib ki, bu dəhliz boyunca tarix boyu da müəyyən ziddiyyətlər olub. Lakin ölkələr alternativlər taparaq ticarət yollarının fəaliyyətini davam etdiriblər. Müasir dövrdə nəqliyyat marşrutlarının önəmini qeyd edən Taleh Ziyadov Azərbaycanın bu baxımdan ciddi infrastruktur layihələri icra etdiyini diqqətə çatdırıb. Əmin olduğunu bildirib ki, bu region qarşıdakı 10-20 il ərzində bum dövrünü yaşayacaq.

Видео TALEH ZİYADOV: “BAKI LİMANINDAN KEÇƏN YÜKLƏRİN 85%-İ TRANZİTDİR” канала CBC FM Azerbaijan