ԱՍՏՂԵՐԻ ԱՄԵՆԱՍԻՐԱԾ ԴԵՄՔԻ ՊԻԼԻՆԳԸ (ՊԶՈՒԿՆԵՐԻ, ԱԿՆԵՆԵՐԻ )

https://www.instagram.com/lilitbayadyan/
Շատերի դեմքը մաքրման` պիլինգի կարիք ունի: Ովքեր կարողանում են, դիմում են կոսմետոլոգների ծառայությանը, իսկ մնացածն էլ` բավարարվում են տան պայմաններում տարբեր տեսակի սկրաբերի օգտագործմամբ: Ձեզ եմ առաջարկում շատ աստղերի սիրած դեմքի պիլինգը, որը կարող եք ինքներդ` առանց կոսմետոլոգի դիմելու, կատարել: Անհրաժեշտ է կալցիումի քլորիդ` 10 կամ 5 տոկոսանոց, բամբակե սկավառակ եւ մանկական օճառ` առանց հավելումների: Եթե այլ օճառով փորձեք, արդյունքը եւ մաքրման գործընթացը լավ չի կատարվի: Քիմիական այս մաքրումը խորհուրդ են տալիս խառը, նորմալ, յուղոտ մաշկի համար: Չոր եւ զգայուն մաշկն ավելի է գրգռում եւ չորացնում: Չի թույլատրվում նաեւ հղիներին եւ կերակրող մայրերին:

Նախապես մաքուր մաշկին նուրբ շարժումով սահեցնում եք կալցիումի քլորիդով թրջած բամբակե սկավառակը, այնուհետեւ խոնավ բամբակե սկավառակը քսում եք մանկական օճառին եւ մերսման ուղղություններով մերսեք մաշկը: Մերսման ժամանակ օճառի եւ կալցիումի քլորիդի ռեակցիայից ստացվում է սկրաբ, որը որ մաքրում է: Այնուհետեւ վերցնում եք հաջորդ բամբակե սկավառակը եւ նույն գործողությունը կատարում, կատարում եք եւս մեկ անգամ: Այնուհետեւ դեմքը լվանում եք գոլ ջրով եւ քսում բնական ծագում ունեցող սնուցող քսուք: Վերջում ունենում եք 3 բամբակե սկավառակ, մեկ-երկու դատարկ սրվակ եւ կարմրած մաշկ, որից պետք չէ վախենալ, այն առավոտյան անցնում է (խորհուրդ է տրվում դեմքի մաքրումը կատարել երեկոյան ժամերին):

Видео ԱՍՏՂԵՐԻ ԱՄԵՆԱՍԻՐԱԾ ԴԵՄՔԻ ՊԻԼԻՆԳԸ (ՊԶՈՒԿՆԵՐԻ, ԱԿՆԵՆԵՐԻ ) канала Lilit Bayadyan