Собиқ Бош прокурор Отабек Муродов ва ДХХ собиқ раиси Ихтиëр Абдуллаев устидан ҳукм ўқилди

25 февраль куни Ўзбекистон Ҳарбий судида Ўзбекистон собиқ Бош прокурори Отабек Муродов ва ДХХ собиқ раиси Ихтиëр Абдуллаев ва унинг ўринбосари Жаҳонгир Игамов устидан ҳукм ўқилди.

Бу ҳақда Ўзбекистон Олий суди матбуот хизмати маълум қилди.

Ўзбекистон Жиноят кодексининг 210-моддаси (Пора олиш) ва бошқа моддаларида назарда тутилган жиноятларни содир этганликда айбланган учала собиқ амалдор устидан ëпиқ ўтказилган суд ҳукмига кўра¸ Отабек Муродовга 5 йил муддатга озодликни чеклаш жазоси тайинланди.

(Ўзбекистон қонунларига кўра, озодликни чеклаш суд томонидан маҳкумга нисбатан яшаш жойини у ёки бу сабаб билан тарк этишни бутунлай тақиқлашдан ёки сутканинг муайян вақтида яшаш жойидан чиқишни чеклашдан иборат.)

“Судланувчи О. Муродовга нисбатан жазо чорасини белгилашда суд Ўзбекистон Республикаси Конституцияси ва жиноят қонунчилигида белгиланган инсонпарварлик ва адолат тамойилларига ҳам асосланди.

Хусусан, судланувчининг содир этган жиноятлари учун чин кўнгилдан пушаймон эканлиги ва жиноий қилмишларни фош қилишда фаол ёрдам берганлиги ҳамда жиноят оқибатида етказилган зарар тўла қопланганлиги эътиборга олинди”¸ дейилади Олий суд хабарида.

25 февраль кунги суд ҳукми билан Ўзбекистон собиқ Бош прокурори¸ ДХХ собиқ раиси Ихтиëр Абдуллаевга 19 йил, унинг ўринбосари бўлиб ишлаган Жаҳонгир Игамовга 19 йил озодликдан маҳрум қилиш жазоси тайинланди, уларнинг ҳар бири муайян муддатга мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилинди.

25 февраль кунги маҳкама ҳукми Ихтиëр Абдуллаев ва Жаҳонгир Игамов устидан чиқарилган биринчи ҳукм эмас.

Видео Собиқ Бош прокурор Отабек Муродов ва ДХХ собиқ раиси Ихтиëр Абдуллаев устидан ҳукм ўқилди канала Ozodlik Radiosi