Баянөлгей Моңғолия қазақтарының алтын бесігі // Марфуға ШАПИЯН

Баянөлгей - Моңғолиядағы қазақтар ең жиі шоғырланған аймақ. 1940 жылы құрылып, моңғолдар тарапынан қазақтарға бөлініп берілген. Ең қызығы, Баянөлгей қаласының да, аймақтағы ауылдардың да шатырлары осылай қызылды-жасылды, түрлі-түсті болып келеді. Көрген, қонаққа келген адамға көтеріңкі көңіл-күй сыйлары анық.

Мұнда қазақтың баяғы көшпелі ғұмыры әлі сақталған. Бұл өлкедегі қазақтар жазда қыстық үйлерін бекітіп, жайлауға, киіз үйге көшіп кетеді екен. Ал кейбірі жайлауға кетпесе де, осылай есіктерінің алдына киіз үй тігіп, сонда көшіп алады, жазғы қонағын да сонда күтеді. Моңғолияға жазда барсаңыз, әр қазақтың үйінен осындай киіз үйді көретініңізге кепілдік бар.

Баянөлгей қазақтарының дастарханынан құрт, ірімшік, жент үзілмейді. Біздегідей кәмпит, пірәндік секілді тәттілер дүкендерде толып тұрса да, дастарханға сирек қояды.

Етпен қатар ұсынылатын бұл жақтың қымызы туралы әңгіме бөлек. Еш жерден мұндай тәтті қымызды ішпегеніңіз сөзсіз. Қай үйге, мейрамханаға барсаңыз да, онда міндетті түрде, қымыз болады. Бұл ел қымыздың бабын біледі.
МЕНІ МЫНА ӘЛЕУМЕТТІК ЖЕЛІЛЕРДЕН ТАБА АЛАСЫЗДАР:
*facebook: https://www.facebook.com/marfuga.shapian
*vk: https://vk.com/id140248396
*instagram: https://www.instagram.com/marfuga21/
*twitter: https://twitter.com/tungiyk
*блог: http://marfugashapian.islam.kz/kk/#gs...

Хат жіберу үшін пошта: marfuga21@gmail.com

Видео Баянөлгей Моңғолия қазақтарының алтын бесігі // Марфуға ШАПИЯН канала Марфуға ШАПИЯН