მედეა ძიძიგური _ ისევ მიდიხარ

ისევ მიდიხარ, ისევ მშორდები
ისევ ეშვება ღამე...
აღარასოდეს განმეორდები,
ხედავ, მითვლიან წამებს..
ხარ მშვენიერი და სასწაული,
შენთან მეცოცხლა მსურდა,
აღუვსებელი ხარ საწყაული
ლანდად დაგდევდი მუდამ.
დილა ხმას არ მცემს, ღამე მემდურის,
მზე ჩამავალი მიცდის.
მე უშენობით ვარ უბედური,
წყალში ვდგევარ და ვიწვი.
ამ ჩემს ცხოვრებას ბედმა დასცინა
კვლავ შენს სიყვარულს ვნატრობ...
მთლად ნუ გამრიყავ, მთლად ნუ გამწირავ
და ნუ დამტოვებ მარტო!
ისევ მიდიხარ, ისევ მშორდები,
ისევ ეშვება ღამე...
აღარასოდეს განმეორდები,
ხედავ, მითვლიან წამებს...

Видео მედეა ძიძიგური _ ისევ მიდიხარ канала Christine Robakidze