Танымал блогерлар жарнамалаған қаржы пирамидасының басшысы қамауға алынды

Алматыда танымал блогерлар жарнамалаған қаржы пирамидасының басшысы қамауға алынды. Қалалық полиция департаментің мәліметінше, "Мудараба капитал" компаниясының иесі қаржы пирамидасын құрды деген күдікке ілінген. Жеке және заңды тұлғалардан миллиард теңге алып, сан соқтырды деген компанияны елге танымал вайнерлер жарнамалаған еді. Әзілкештер аталған жайтқа қатысты қандай да бір мәлімдеме жасады ма? Блогерлердің өздері жазаға тартыла ма әлде әдеттегідей халықтан кешірім сұрап құтыла ма? Өмір Серікбекұлы біліп көрген еді.
Бұл Мудараба капитал компаниясының жарнамалық бейнеролигі. Кадрдағы үш жігіт, елге танымал блогер-әзілкештер. Әрқайсысында 555 мыңнан бастап, 3 жарым миллионнан аса оқырман бар. Блогерлер осыншама оқырманға қаржы пирамидасын жарнамалаған кезде арты неге әкеп соғатынын ойламаса керек. Кеше Мударабаның жетекшісі қамауға алынып, миллиардтаған қаржыны жымқырды деген күдікке ілінді. Ал, блогерлердің өздерімен тілдесу мүмкін болмады. Аудиториясы 555 мыңнан асатын Әзім Аитбаев Меккеде екен. Ал, Мейірхан Шерниязов тұтқаны көтермейді. Мәскеудемін деген Мейіржан Түребаев кейін хабарласуымызды сұрады.
Мұндай жарнамаларға кейбір адамдар күмәнмен қараса, енді бірі халықты үгіттегендер жазалану керек дейді. Полиция департаментінің мәліметінше, Мудараба капитал компаниясының басшысы қамауға алынған.
САЛТАНАТ ӘЗІРБЕК, Алматы қаласы ПД ресми өкілі:
– Бұл «Б» есімді 1981 жылы туған азамат. Қылмыстық іс жүргізу кодексінің 28-бабының нормаларына сәйкес ол уақытша ұстау изоляторына қамауға алынды.
Ал, өзін Мудараба компаниясының басшысымен деп таныстарған Руслан Бұрқанов шамамен бір тәулік бұрын әлеуметтік желіде 10 минуттық видео жариялады. Сөзін Алладан бастаған азамат салымшылардың қаржысын толықтай қайтарып береміз деп уәде беріп отыр. Тек салымшыларға дұғада болуды өтініпті.
РУСЛАН БҰРҚАНОВ, mudarabah.capital компаниясының директоры:
– Приложим все усилие чтобы возместить все ущербы наших вкладчиков.
Ал, талайдың қомақты қаржысын алдап жымқырды деген компанияны жарнамалаған блогерлердің жазаға тартылу- тартылмауы тергеу амалдары аяқталғаннан кейін белгілі болмақ.

Өмір Серкібекұлы, Азалия Шонбаева, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#mudarabah_capital #пирамида #қаржы #алаяқтық #жарнама #блогерлер

Видео Танымал блогерлар жарнамалаған қаржы пирамидасының басшысы қамауға алынды канала Информбюро 31