Aghaidh ar an Áise - Seimineár 11/12/20 Físeán 2/5 - Painéal 1 - Gnó san Áise - Taithí & Treochtaí

Gnó san Áise - Taithí & Treochtaí

Cathaoirleach: Ruairí Ó Néill, Bainisteoir Réigiúnach & Forbartha Pobail an Iarthair, Údarás na Gaeltachta

Declan MacFadden, Comhairleoir Gnó san Áise
Tá 40 bliain caite ag Declan ag obair i bpoist shinsearacha le comhlachtaí ar nós Biocon, Unilever, ICI agus Symrise. Tá breis agus 30 bliain caite aige thar lear san Ísiltír, san Indinéis agus i Singapore agus bhí ról Uachtarán na hÁise aige ina phost deireanach leis an gcomhlacht Gearmánach, Symrise AG. Tá Declan, ar chainteoir dúchais ó Thír Chonaill é, ina chónaí i Singapore le 23 bliain anuas agus é ag obair anois mar chomhairleoir do chomhlachtaí ar mian leo tús a chur le gnó, san Áise ach go háirithe.

Micheál Ó Conghaile, MD MUFG
Tá Micheál ag obair mar Cheannasaí Domhanda ar Oibríochtaí Meánoifige MUFG & mar Stiúrthóir Bainistíochta an chomhlachta i mBaile Átha Cliath. Tá MUFG ar cheann de na grúpaí airgeadais is mó ar domhan agus ar cheann de na hinstitiúid baincéireachta is mó sa tSeapáin. Tá tréimhsí fada caite ag Micheál, as Inis Oírr ó dhúchas, ag obair san earnáil i Singapore, ar na Cayman Islands, i Bermuda agus san Astráil.

Kevin English, Ailtire IT, Dynamic-GRC
Tá breis agus scór bliain caite ag Kevin ag obair mar Ailtire IT i dtionscail na teicneolaíochta faisnéise. D'oibrigh sé ar thograí suntasacha i margaí caipitil, árachais agus sa teicneolaíocht teileachumarsáide san Áise, san Eoraip agus san Astráil. Chaith sé 9 mbliana ag obair sa tSeapáin, 2 bhliain i Singapore agus tréimhsí fada oibre ar thograí i Hong Kong agus sa Téalainn.

Видео Aghaidh ar an Áise - Seimineár 11/12/20 Físeán 2/5 - Painéal 1 - Gnó san Áise - Taithí & Treochtaí канала Údarás na Gaeltachta