Azerbaycanli kesfiyyatci ermeni komandirin basini kesdi

Azərbaycanlı kəşfiyyatçı erməni komandirin başını kəsdi

İbad Hüseynov. Bu ad çoxlarına tanışdır. Türk dünyasının qəhrəmanı sayılan bu şəxsi gəlin bir daha xatırlayaq. İbad Hüseynov Birinci Qarabağ müharibəsi zamanı dəfələrlə Ermənistan hərbi qüvvələrinin nzarəti altında olan ərazilərə keçərək düşmənə ağır itkilər verib. Hüseynov həmçinin bir çox gizli əməliyyatlarda da iştirak edib. 12 iyul 1993-cü ildə Ermənistan səhra komandiri Monte Melkonyanı tutaraq öldürdüyü iddia edilir. O vaxt İbad Hüseynovun 22 yaşı olub. Deyildiyinə görə, Hüseynov Azərbaycan bayrağı medalı ilə təltif edilib. 6 noyabr 1999-cı ildə İbad Hüseynovun toyuna mərhum prezident Heydər Əliyev də dəvət edilib. Lakin Əliyev işlərinin sıxlığı səbəbindən toyda iştirak edə bilməyib və təbrik məktubu göndərib. Məktubda Heydər Əliyev İbad Hüseynovun Qarabağ müharibəsində göstərdiyi qəhrəmanlıqların bir daha tərifəlayiq olduğunu bildirib. Qarabağ müharibəsi iştirakçısı, Azərbaycan bayrağı ordeni kavaleri və kəşfiyyat-diversiya dəstəsinin komandiri Dağlıq Qarabağda ilk hərbi toqquşmaların başladığı zaman Rusiyanın Amur şəhərində yerləşən hərbi hissəsində Sovet ordusunda qulluq edirdi. Burda o sovet ordusunun Bakıya qoşun yeritdiyini və çoxlu sayda həmyerlilərinin öldürüldüyünü öyrənir. Hüseynov Azərbaycanda olan digər hərbiçilərlə birlikdə onların vətənə buraxılması məqsədilə müddətsiz aclıq aksiyasına başlayır. Komandanlığın ağır təzyiqinə baxmayaraq onlar aclıq aksiyasını dayandırmırlar. Nəticədə rəhbərlik İbad Hüseynov və aclıq aksiyasında iştirak edən 4 nəfər əsgər yoldaşını 4 ay öncədən təxlis edir. İbad Hüseynov 1990-cı ildə Azərbaycana qayıtdıqdan sonra öz doğma Xocavənd rayonuna gedir. Və orda yerli hərbi özünümüdafiə birləşmələri yaratmağa başlayır. Məhz bu dövrdə Dağlıq Qarabağ münaqişəsinin aktiv fazası başlayır. Bu qruplar yerli Azərbaycan əhalisinə qarşı xüsusi qəddarlıqla seçilirdi. Ermənilərdə regionda yerləşən sovet ordularından və ya xaricdən alınmış yetərincə hərbi sursat, təchizat və texnika vardı. Bütün Qarabağ əhalisində olduğu kimi Xocavənd rayonu əhalisində də müdafiə üçün silah-sursatın olmadığını nəzərə alaraq İbad Hüseynov kəşfiyyat-diversiya dəstəsi yaradır və erməni tərəfə keçərək onları məhv edir. Ermənilərin çoxlu sayda hərbi silah və təchizatını ələ keçirməyə başlayır. Erməni tərəfin danışdıqlarını radio-yaxalama vasitəsi ilə izləyəndə məlum olur ki, Ağdam Xocavənd istiqamətində erməni hərbi bölmələrinə rəhbərlik etmək üçün əraziyə "Avo" ləqəbli məşhur erməni komandiri gəlir. Azərbaycanlılar bu ləqəbin Monte Melkonyana məxsus olduğunu bilmirdilər. Onlar onu Avo kimi tanıyırdı və bilirdilər ki, ermənilər Avoya hörmət edir. O, bir neçə Yaxın Şərq müharibələrində iştirak edib, Avropada bir sıra terror aktlarının təşkilatçısı olmuşdu. Həmçinin məlum idi ki, Qarabağ müharibəsinin ən qanlı səhifələrindən biri olan Qaradağlı qırğını, Xocalı soyqrımı və digər yaşayış məntəqələrində Avo bir başa olaraq, qətliamda iştirak etmiş və erməni birləşmələrinə rəhbərlik etmişdi. İbad azərbaycanlıların tökülmüş qanı üçün qisas almağı özünə söz verir və erməni komandiri Avonun bütün hərəkət və əməliyyatları haqda məlumat yığmağa başlayır və onu məhv etməyə müvəffəq olur.
26 dekabr 1993-cü ildə İbad minaya düşərək ağır yaralanır. Qəlpələr başa, ələ və ayaqlara girir və Hüseynov komaya düşür. 28 günlük komadan sonra xilasa heç bir ümid qalmamışdır. Moskvadan gəlmiş məşhur cərrah onun çıxılmaz vəziyyətini görüb, heç nəyə zəmanət vermədiyini açıqlayır. Kəlləni yardıqda, beyin və bədənin normal funksionallığını saxlamağa imkan verməyən çoxlu daxili qanaxmanı aşkar edir. Həkim hematomanı ləğv edir. İllərlə qoltuq ağaclarında gəzməli olur və xəstəxanada müalicə alır. Müharibə zamanı aldığı zədəyə görə, sağ ayağı və sağ qolu uzun zaman hərəkətsiz qalır. İbad Hüseynov uşaqlıqdan idmanla məşqul olduğu üçün öz sağlamlığına tezliklə qayıdır. Hospitaldan çıxdıqdan dərhal sonra o cəbhə xəttindəki öz hərbi hissəsinə qayıdır.
2010-cu ildə Bakıda, "Azərbaycanfilm" kinostudiyasında İbad Hüseynova həsr edilmiş "Əsgər" sənədli filminin təqdimat mərasimi keçirilmişdir. Film rejissor Etibar Məmmədov tərəfindən çəkilib. 2013-cü ildə rejissor Kəmalə Mirzəyevanın quruluşunda "Qorxulu yuxuların qəhrəmanı" adlı film, 2011 -ci ildə rejissor Etibar Məmmədov olan "Kəşviyyatçı" sənədli filmi, 2016-cı ildə rejissoru Natiq Novruzov olan "Xüsusi təyinatlı İbad" bədii film çəkilmişdir.
2015-ci ilin 28 aprelində Türkiyənin paytaxtı Ankara şəhərində, 2016-cı il 30 avqust tarixində Qaziantəp şəhərində adına park verilmişdir. 2017-ci ilin 4 may tarixində isə Kırşəhərdə adının şərəfinə böyük bir küçə verilmişdir. Küçə Kahraman İbad Hüseynli sokağı adlandırlır.

Видео Azerbaycanli kesfiyyatci ermeni komandirin basini kesdi канала Ilqar Yasaroglu