Қазақ қыздары "хиджаб" киген бе? Ғылыми зерттеу ᴴᴰ 2018

Хижаб дегеніміз – бір ұлттың немесе дәстүрдің белгісі емес.
«Ойбай, хиджаб деген араб елдерінің дәстүрлі киімі. Бізді рухани жаулап жатыр» деген байбалам нағыз өтірік.

azan.kz ақпараттық порталына алғысымызды айтамыз.
Кейбір материалдар asylarna порталынан алынды.
Тарихи суреттер ХІХ-ХХ ғасырларда «Қазақ» еліне «шет елден» арнайы келіп «таспаға» түсіріп кеткен авторларға тиесілі. Және 2010 жылы Әлкей Марғұлан атындағы Халықаралық Фонды шығарған «Қазақтар.Халық бейнесі» кітабынан алынды
Бұл мәселе қыздардың тым жалаңаштанып кетуінен туындап отыр.
Санамыздың соншалық наданданғаны жартылай жалаңаш киім жақсы деп, ондай киімге ешкім таң қалмайтын болды. Керсінше, тобықты жасырып, бүркеншегін ораған қызды көрсе жын көргендей жүздері құбыла түседі.
Оған себеп, халықтың діни сауатының болмауы.
Кейбір фотоларда қазақ қыздары ауылдарда орамалсыз бөрік киіп жүргенін көреміз ал бұған келсек:
Қазақ 7 атаға дейін қыз алыспайды, қазақ халқының ерекшелігі де осында. Бір ауылда тек бір рудың адамдары ғана тұрды. Кез келген қыз өзінің ауылындағы жігіттерді туған аға-інісіндей көрді, өйткені олар өзінің руластары, туысқандары еді. Шариғат бойынша қыз өзінің аға-інілерінің, қайынатасының, жалпы мұсылман әйелдерінің алдында емін еркін жүруге, шашын, мойнын, қолын иығына дейін, аяғын тізесіне дейінгі жерлерді көрсетіп жүруіне рұқсат етілген. Өзіне үйленуге рұқсат етілген бөтен ер адамдардың және мұсылман емес әйелдердің алдында ғана әурет жерлерін жауып жүруге міндеттелді.Және де қазақ өз қыздарын 17-18 жасында ұзатып жіберген. Балиғатқа толар-толмастан күйеуге беруге асыққан. Қазіргі біз секілді оқу, карьера деп қинап, 25-30 жасына дейін көлденең көк аттының көзінде жайқалтып қоймаған.
Сондықтан, жас қыздар шашын көрсетіп жүрсе жүрген шығар (онда да, етегін ашпағаны, мойны мен төсін жарқыратпағаны айна қатесіз ақиқат), бірақ ол бүгінгі күні біреудің басындағысын жұлып алуға негіз бола алмайды. Ол логикамен қарасақ, қыздардың шалбарын, кепкасын, қысқа юбкасын, қара көзілдірігін, футболкасын, бәрін-бәрін шешіп алып, ұзын көйлек, бешпент киюін талап етуге тура келеді.
Қазір адамдар араласып өмір сүруде. Қаланы айтпағанда, кішкентай ғана ауылдың өзінде бірнеше рудың адамдары тұрып жатыр. Айнала толған бөтен еркек. Біз осындай қоғамда өмір сүріп жатырмыз. Ата-бабаларымыз қалдырған мұраларды өзіміздің күнәларымызды жуып-шаю үшін, өзіміздің көзқарасымызды, пікірімізді ақтап алу үшін ғана керек болып қалды. Басқа уақытта пысқырып та қарамаймыз.

Ислам адамды киіндірді, ал Еуропа соны шешіп жатыр. Қазіргі хиджаб деп көтеріп отырған киім әурет жерді жабудың заманауи үлгісі ғана. Оны қыз-келіншектерімізге жарасымды түрде неше түрлісін де шығарып жатыр. Қазақтың тіл байлығына хиджаб сөзі енбегенмен, оның мағынасы, негізі біздің дәстүрімізге енген. Біздегі кимешек, қыздардың ұзын киімі, жалпы әурет жерді жабатын киімнің барлығы хиджаб сөзінің мағынасы. Біз қазақтар арабтың барлық термин сөздерін өзімізге аударып алған жоқпыз. Салатун - намаз, саум - ораза, макруһ - жиіркенішті, талақ - ажырасу, т.б.
Арабтың мұндай термин сөздерінің кейбірінің тек мағынасын ғана бойымызға сіңіргенбіз, сөздің өзіне емес, оның мағынасына көп мән бергенбіз.
Араб халқы Исламға дейін жабынды ма?
Араб халқы да ұзын көйлекті киген. Олар құмды шөлейтті жерде мекендегендіктен күннің ыстығы мен желдің соққысы қорғануды қажет етті. Сондықтан да әйелдері де, ерлері де бастарын орап жүрді. Дегенмен, олар қалай орады? Біз көрген хиджаб түрінде ме? Әлбетте жоқ! Олар басын күннен бүркегенімен шаштары мен мойындары ашық жүрген. Тек ислам діні түсіп, жаулық парыз болғанда ғана шаштарын көрсетпей толық жабылған. Яғни киімдері қазіргі хиджабтың дәл өзіне айналған. Хиджаб арабтардың арасында кең таралу себебі, Пайғамбарымыз Мұхаммед с.а.у араб ұлтынан шықты.
Ал бірақ Пайғамбарымыз с.а.у бүкіл әлемге пайғамбар болып келді. Сондықтан оның Аллаһ Тағаладан алып келген барлық бұйрықтары барша мұсылмандарға ортақ болып есептеледі.Хиджаб жеке ұлтқа тән киім үлгісі емес, барлық мұсылмандарға ортақ киім үлгі.
. Кейбір хиджаб киген қыздарды кінәлап жатамыз, үйтті-бүйтті, осындай күнә жасады деп. Ол хиджаб киіп періште болып кеткен жоқ, ол да басқалар сияқты пенде. Ең бастысы ол бұл қоғамда ол үшін үлкен жеңіс болып саналатын хиджабын киді, мына қоғамда қыздың орануы адам бойындағы үлкен күшті талап етеді.Аллаһ Тағала баршамызға тура жол берсін, Ислам дінін толық түсінуіміз үшін терең түсінік нәсіп етсін!

Және де бауырлар бұл видеоны достарыңызға таратыңыздар өйткені Хадисте былай айтылған: «Жақсылыққа жол көрсеткен адам, сол жақсылықты өзі жасағандай болады» (Бұхари).

© HaMimTv — шынайы деректер
2018 жыл

Видео Қазақ қыздары "хиджаб" киген бе? Ғылыми зерттеу ᴴᴰ 2018 канала HaMimTv - Шынайы деректер