31 мамыр - саяси қуғын-сүргін және ашаршылық құрбандарын еске алу күні.

Жезді марганец кеніші 1942 жылы, соғыс жағдайында өте қысқа мерзімде іске қосылған өндіріс ретінде тарихта мәңгілік қалды. Мыңдаған адамның тынымсыз еңбегімен 38 күн мен түнде майданға керек техниканың құрыш сауытын құятын марганецті берген Жезді кенішінің тарихында КСРО-ның саясатында саяси қуғын-сүргін аталған кезеңнің іздері бар. КарЛагтың бір нысаны "Степлаг" тұтқындары марганец руднигін, бүгінгі Жезді кентінің көптеген ғимараттарын салуға үлес қосты. Зерттеушілер деректері 2300-ден астам тұтқындар Жезді кенішінде еңбек еткен дейді. Бүгін де ауылымыздың солтүстік батысында сақталған тұтқындар лагерінің қирандылары сол зұлматты жылдардың белгісі. Жезді музейі мамандары аудан әкімі орынбасары, кент әкімінің және сол тарихи оқиғалар куәсі болған ауыл ақсақалы Тағамбай Шамбұловтың қатысуымен тұтқындар лагері орнында болып, өткен күннің белгісін сақтап, ұрпаққа жеткізу жайлы пікір алмасты.

Видео 31 мамыр - саяси қуғын-сүргін және ашаршылық құрбандарын еске алу күні. канала Жезды Музей