Ёсинхон нақл кард, ки писараш чӣ гуна ба Сурия рафтааст

Чаро ва чӣ гуна ҳудуди 20 ҷавон аз деҳаи Чорқишлоқи ноҳияи Исфара ба Сурия рафтанд? Барои “шаҳодат” дар ҷанг ё “аз гумроҳӣ”? Наздикони худи ин ҷавононе ки дар Сурия меҷанганд, чӣ мегӯянд? Ҷустуҷӯи посух ба ин саволҳо моро ба Исфара бурд.
Ёсинхон Эшонов, сокини ин маҳал мегӯяд, писараш – Ёқуб - даъвати ҳамсару аҳли оилаашро пазируфта, баъди чанд моҳи будубош дар Сурия роҳи бозгаштро пеш гирифтааст. Ёқуб Эшонов дар сӯҳбат бо Радиои Озодӣ гуфт, писараш аз Сурия гоҳ-гоҳ ва ҳар дафъа аз рақами дигар занг мезад. Бори охир вай аз Истамбули Туркия паём додааст, ки ҳамроҳи ҳамсараш асту бо роҳи заминӣ ба Русия хоҳанд рафт ва ният доранд сипас аз он ҷо ба Тоҷикистон баргарданд.

Видео Ёсинхон нақл кард, ки писараш чӣ гуна ба Сурия рафтааст канала Ozodivideo