Salyanda fermerlər və sahibkarlar üçün müşavirə keçirilib

Kənd Təsərrüfatı Nazirliyinin Salyan rayon idarəsinin təşkilatçılığı və rayon icra hakimiyyəti aparatının dəstəyi ilə “Yaz tarla işlərinə hazırlıq və məhsuldarlığın yüksəldilməsi üçün qarşıda duran vəzifələr” mövzusunda müşavirə keçirilib. Rayon icra hakimiyyətinin, Salyan regional aqrar elm mərkəzinin, mütəxəssislərin, "Aqrolizinq" ASC-nin Salyan filialının, fermer və sahibkarların iştirak etdiyi tədbir hər hansı bir zalda deyil, iş başında keçirilib
Kənd Təsərrüfatı Nazirliyinin Salyan rayon idarəsinin rəisi Tariyel Atamalıyev fermerlər qarşısında çıxış edərək aqrar sektorda aparılan dövlət siyasəti, əsas prinsiplər, hədəflər və prioritet istiqamətlər barədə məlumat verib. Müşavirədə həmçinin əkinlərin elmi əsaslarla aparılmasının üstünlüyü, yeni taxıl sortlarının potensial məhsuldarlığı və ona təsir edən amillər barədə çıxışlar dinlənilib. Rayonda bitkiçiliyin vəziyyəti, inkişaf perspektivləri və digər məsələlər müzakirə olunaraq, mövcud problemlər və onların həlli yolları barədə geniş fikir mübadiləsi aparılıb. Tədbir iştirakçıları tərəfindən taxıl sahələrinə baxış keçirilib. Məhsul istehsalçıları dəmyə və suvarma şəraitində yüksək məhsul əldə etmək üçün tələb olunan aqrotexniki qulluq işlərinin vaxtında və keyfiyyətlə aparılmasının vacibliyi barədə ətraflı məlumatlandırılıblar. Sonda fermerlərə sahələrə yemləmə gübrəsinin verilməsi, alaqlara qarşı mexaniki və kimyəvi mübarizə aparılması prosesi əyani şəkildə göstərilib.

Видео Salyanda fermerlər və sahibkarlar üçün müşavirə keçirilib канала ARB Cenub