18 яшар йигит 16 яшар синглиси билан ётган йигитни юрагига ўроқ санчиб ўлдирди

25 ноябрга ўтар кечаси Самарқанд вилоят, Пайариқ тумани Чопарошли Бола қишлоғи, Тарақққиёт маҳалласида яшовчи 18 яшар Ш.М. маҳалладоши 21 яшар Ж.С.ни юрагига ўроқ санчиб ўлдирди. Вилоят ҳуқуқ-тартибот идораларидан бирининг воқеадан хабардор мулозимининг Озодликка айтишича, қотилликка Ш.М.нинг 16 яшар синглиси ва унинг йигити ўртасидаги ишқий муносабат сабаб бўлган.

Воқеа иштирокчиларининг исм-фамилиялари Озодликка маълум, лекин тергов жараёни бораётгани боис, уларнинг шахсига оид маълумотлар очиқланмаётир.​

Воқеадан хабардор мулозимга кўра, тонгга яқин соат 3 да тўйдан уйга қайтган Ж.С. "уятли манзарага гувоҳ бўлади".

"Ш.М. қишлоқдоши тўйидан уйига қайтгач, уятли манзарага гувоҳ бўлади. Ш.нинг 16 яшар синглиси М. маҳалладоши Ж. билан диван устида яланғоч ҳолда ётган бўлади. Эшикни очиб кўрганидан кейин, жаҳл устида бориб, айвонда печка устида турган ўроқни олиб, Ж.нинг кўкрак қисмига уради", деди ички ишлар мулозими.

Шундан сўнг, Ш. нинг синглиси М. қонга беланиб ётган Ж.га ёрдам бериш мақсадида қўшниларидан бирини ёрдамга чақиради.

Видео 18 яшар йигит 16 яшар синглиси билан ётган йигитни юрагига ўроқ санчиб ўлдирди канала Ozodlik Radiosi