Өздерін құдайдай көретін мониторингтік топтар депутаттарға несімен жақпай қалды?

"Ақжолдың" депутаттары кәсіпкерлерге тексерісті мониторингтік топтар емес, уәкілетті органның жүргізгенін қалайды. Өйткені, карантин кезінде көп құзыр берілген мониторингтік топтар заңды елемейтін болыпты. Яғни, бас санитар дәрігердің қаулысы негізінде жұмыс істейтін топтардың тексерісі кәсіпкерлік кодексіне мүлдем сай емес.
Азат Перуашев шенеуніктердің "кәсіпкерлерді тексермейміз, бірақ профилактикалық бақылау жүргіземіз" дегеніне наразы. Ал, "Кәсіпкерлік қызметті реттеу" туралы жаңа заң жобасында бизнесмендерге профилактикалық бақылау енгізу көзделген. Депутаттар, карантиндік шектеулер әлі де жалғасуы мүмкін, сол кезде мониторингтік топтар кәсіпкерлерді тағы да жөн-жосықсыз тексереді деп санайды. Мәжілісмен Азат Перуашев Теміртау қаласында бір дүкенді 18 рет тексеріп, ақыры бизнесін жауып тынған кәсіпкердің шығынын мониторингтік топтың әкімдіктегі мүшесі өтесін деген ұсыныс жасады.
Сондай-ақ, Текелі қаласында бетпердені дұрыс тақпаған сатушыға 600 мың теңге айыппұл төлеткен мониторингтік топтың әрекеті заңға қайшы екенін айтты. Кәсіпкерлерді жиі тексеруді заң бойынша тыю керек деген депутаттар "тек қауіпсіздік талаптарына тексеріс жүргізсін" деп отыр.
АЗАТ ПЕРУАШЕВ, ҚР Парламенті Мәжілісінің депутаты:
– Мысалы мына шенеуніктер, лауазымды адамдар бизнеске келтірген зияны үшін өз қалтасынан соны жабу етсін деп сұрақ қойсақ, ол айтып отыр: басқалай шешуге болады, айыппұл арқылы. Көрейік. Қарастырайық.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#шектеулер #мониторинг #Ақжол #АзатПеруашев

Видео Өздерін құдайдай көретін мониторингтік топтар депутаттарға несімен жақпай қалды? канала Информбюро 31