ឧត្តមសេនីយ៍ទោ សោម ស៊ុន និងភរិយា ដឹកនាំក្រុមការងាររាជរដ្ឋាភិបាល ចុះមូលដ្ឋានឃុំ, 449-040725

ឧត្តមសេនីយ៍ទោ សោម ស៊ុន និងភរិយា ដឹកនាំក្រុមការងាររាជរដ្ឋាភិបាល ចុះមូលដ្ឋានឃុំ និងក្រុមគ្រួសារ ប្រគេនទៀនព្រះវស្សា បច្ច័យ និងទេយ្យទាន ដល់ព្រះសង្ឃចំនួន ២វត្ត នៅឃុំដងកាំបិត ស្រុកសណ្ដាន់ ខេត្តកំពង់ធំ

(ខេត្តកំពង់ធំ)៖ នៅព្រឹកថ្ងៃទី០៤ ខែកក្កដា ឆ្នាំ២០២៥ ឧត្តមសេនីយ៍ទោ សោមស៊ុន មេបញ្ជាការតំបន់ប្រតិបត្តិការសឹករង អនុប្រធានក្រុមការងាររបស់រាជរដ្ឋាភិបាលចុះមូលដ្ឋានស្រុក និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំដងកាំបិត ស្រុកសណ្ដាន់ ខេត្តកំពង់ធំ និងភរិយា បានដឹកនាំសហការី និងក្រុមគ្រួសារ រួមជាមួយពុទ្ធបរិស័ទចំណុះជើងវត្តបាននាំយកទានព្រះវស្សា បច្ច័យ និងទេយ្យទាន ទៅប្រគេនព្រះសង្ឃដែលគង់ចាំព្រះវស្សា ចំនួន ២វត្ត គឺវត្តសិរីពោធិវន័្ត ហៅវត្តស្រែវាលខាងលិច និងវត្តបទុមសាគរ ហៅវត្តស្រែវាលខាងកើត ស្ថិតនៅក្នុងឃុំដងកាំបិត ស្រុកសណ្ដាន់ ខេត្តកំពង់ធំ ។ ដែលពិធីនេះប្រព្រឹត្តទៅនៅវត្តស្រែវាលខាងកើត ឃុំដងកាំបិតស្រុកសណ្ដាន់ ខេត្តកំពង់ធំ ។

ឧត្តមសេនីយ៍ទោ សោម ស៊ុន បានពាំនាំនៅការផ្ដាំផ្ញើសាកសួរសុខទុក្ខពីសំណាក់សម្ដេចមហាបបរអធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ដែលជានិច្ចកាលលោកតែងតែមានការព្រួយបារម្ភពីសុខទុក្ខ និងជីវភាពរស់នៅរបស់បងប្អូនប្រជាពលរដ្ឋ និងព្រះសង្ឃព្រមទាំង ពុទ្ធបរិស័ទទាំងអស់ និងបានសូមប្រគេនពរជូនដល់ព្រះតេជគុណព្រះសង្ឃគ្រប់ព្រះអង្គ និងជូនពរដល់លោកយាយលោកតា បងប្អូនប្រជាពលរដ្ឋទាំងអស់ សូមទទួលបាននូវសេចកីសុខ សេចកីចម្រើន សុខភាពល្អ និងអាយុយឺនយូរ ដើម្បីចូលរួមចំណែកក្នុងការកសាង និងអភិវឌ្ឍន៍ប្រទេសជាតិយើងឲ្យមានការរីកចម្រើនរុងរឿងបន្ថែមទៀត។

ឧត្តមសេនីយ៍ទោ សោម ស៊ុន ក៏បានផ្សព្វផ្សាយសភាពការណ៍ថ្មីៗនៅតាមខ្សែបន្ទាត់ព្រំដែនកម្ពុជាថៃ និងបានបញ្ជាក់ជូនអំពីជំហររបស់ប្រមុខរាជរដ្ឋាភិបាលកម្ពុជាក្នុងការយកតំបន់ប្រាសាទតាមមាន់តូច ប្រាសាទតាមាន់ធំ ប្រាសាទតាក្របី និងតំបន់មុំបី ក្នុងការដាក់ពាក្យបណ្ដឹងទៅកាន់តុលាការយុត្តិធម៌អន្តរជាតិអាយស៊ីជេ ដើម្បីដោះស្រាយជម្លោះដ៏រ៉ាំរ៉ៃនេះ ។ ដោយឡែកនៅតំបន់ផ្សេងទៀតបន្តធ្វើការដោះស្រាយដោយសន្តិវិធីតាមអនុសារណៈយោគយល់គ្នានៃប្រទេសទាំងពីរនៅឆ្នាំ២០០០ ។ ជាមួយនោះដែរ ក្នុងវិស័យយោធាកងយោធពលខេមរភូមិន្ទយើង កំពុងឈរជើងយ៉ាងរឹងមាំក្នុងការការពារបូរណភាពទឹកដី មិនឱ្យខ្មាំងសត្រូវមកឃ្លានពានបានឡើយ ។

នៅក្នុងឱកាសនេះ ក្រុមការងាររាជរដ្ឋាភិបាលចុះមូលដ្ឋានឃុំដងកាំបិត ស្រុកសណ្ដាន់ និងក្រុមគ្រួសារ បានប្រគេនទានព្រះវស្សាចំនួនពីរគូ ស្បៀងអាហារគ្រឿងឧបភោគបរិភោគ ទេយ្យទាន សារដក់ និងបច្ច័យមួយចំនួន ប្រគេនដល់ព្រះសង្ឃចំនួន ២វត្ត សម្រាប់ចាត់ចែងប្រើប្រាស់តាមតម្រូវការក្នុងរយៈពេលគង់ចាំព្រះវស្សាដល់អស់ត្រីមាស។
ព្រះតេជគុណព្រះសង្ឃគ្រប់ព្រះអង្គ លោកតាអាចារ្យគណៈកម្មការ និងពុទ្ធបរិស័ទចំណុះជើងវត្ត បានសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះឧត្តមសេនីយ៍ទោ សោម ស៊ុន និងភរិយា រួមជាមួយសហការីដែលជាក្រុមការងាររាជរដ្ឋាភិបាលចុះមូលដ្ឋានឃុំដងកាំបិត ដែលជានិច្ចជាកាលកាលតែងតែបានជួយដោះស្រាយនូវរាល់ការលំបាកជូនប្រជាពលរដ្ឋក៏ដូចជាព្រះសង្ឃ និងពុទ្ធបរិស័ទនៅក្នុងឃុំដងកាំបិតនាពេលកន្លងទៅក៏ដូចជាថ្ងៃនេះ និងសូមគោរពជូនពរ ឯកឧត្តម លោកជំទាវ លោក លោកស្រីទាំងអស់ សូមទទួលបាននូវពុទ្ធពរទាំង៤ប្រការកុំបីឃ្លៀងឃ្លាតហើយ ។ អត្ថបទតំបន់សឹករងកំពង់ធំ-ពិនិត្យដោយអ៊ុមញឹប។

Видео ឧត្តមសេនីយ៍ទោ សោម ស៊ុន និងភរិយា ដឹកនាំក្រុមការងាររាជរដ្ឋាភិបាល ចុះមូលដ្ឋានឃុំ, 449-040725 канала KAMPONG THOM INFO