budu amma dambula දරු දෙන්නා සසුනට පුජා කොට කටුමැටි පැලේ .....

හාල් සේරුවකට විකිනිනු අම්මා නිවනට යන්නට දරු දෙන්නා සසුනට පුජා කොට කටුමැටි පැලේ .....කාමර දෙකක් හදා දෙන්න උදව් කරන්න එකතුවෙමු 0773416157 කාංචන

(දඹුල්ල කාංචන කුමාර ආරියදාස)
2020.08.06
හාල් සේරුවකට විකිනිනු අම්මා නිවනට යන්නට දරු දෙන්නා සසුනට පුජා කොට කටුමැටි පැලේ .....

"මගේ අම්මා මම පුංචි කාලේ හාල් සේරුවක ට වික්කා එදා ඉඳලා මම අද වෙනකම් පුදුමාකාර දුකක් විඳීන්නේ . මගේ එකම අරමුණ මේ සසරෙන් එතෙර වෙන්නයි . මේ දුකෙන් මිදෙන්නයි . ඒ නිසාම තමයි මම දරුවො දෙන්නෙක් හදලා දෙන්නම බුද්ධ ශාසනයට පූජා කළේ .මම පැලක හිටියට කමක් නෑ මම ජීවිතෙන් ජයගත්ත කියලයි හිතන්නේ."
දඹුල්ල කණ්ඩලම වැව ආසන්නයේ කඩා වැටෙන්න ආසන්නව ඇති කටුමැටි පැළක දියණියක් සමග තනිව ජීවත්වන අම්මා කෙනෙකුගේ මේ අනුවේදනීය කතාව පසුගියදා අප සමග ඇය පැවසුවාය.
මෙම මව කී සංවේදී හා ආදර්ශමත් කතාව මුළු මහත් සමාජයටම ආදර්ශයක් වනු ඇතැයි විශ්වාසය නිසා අප මෙම සටහන තබන්නට තීරණය කළෙමු.
කණ්ඩලම වැව ආසන්නයේ පදිංචිව සිටින දෙදරු මවක් වූ වයි. එම්.දිස්නා කුමාරි මේ වන විට කුලී වැඩක් කරමින් ජීවත් වෙන්නිය .
ඇයට දරුවන් තිදෙනෙකි. සැමියා අතහැර දමා තනිව ජීවත් වෙයි. පිරිමි දරුවන් දෙදෙනාම මේ වන විටත් ඇය බුද්ධපුත්‍රයන් බවට පත් කොට වසර ගණනාවකි. වැඩිමහල් දරුවා වයස අවුරුදු හත ඉක්මවන්නට පෙර බුද්ධ සාසනයට බාර දී දෙවැනි පිරිමි දරුවා වයස අවුරුදු 7 වෙද්දි බුද්ධශාසනයට ලබා දීමට ඇය තීරණය කොට තිබිණි. මේ වන විට බුදු පුත්‍රයන් දෙදෙනා දඹුල්ලේ සහ කුරුණෑගල ප්‍රදේශයේ විහාරස්ථානවල වැඩ හිඳිමින් අධ්‍යාපනය ලබමින් සිටිති.
ඇයගේ 8 වසරේ ඉගෙන ගන්නා දියණිය සමග කටුමැටි ගැසූ කඩාවැටීමට ආසන්න ව ඇති කුඩා නිවසේ කුප්පි ලාම්පු එළියෙන් සහ පොල් තෙල් ලාම්පු එළියෙන් දිනකට එක වේලක් ආහාර ගෙන ජීවත් වෙන මෙම අම්මාගේ අතීත කතාව සහ වර්තමාන ජීවත් වන ආකාරය සොයා අප කණ්ඩලම ට ගියෙමු.

Видео budu amma dambula දරු දෙන්නා සසුනට පුජා කොට කටුමැටි පැලේ ..... канала Kanchana Ariyadasa