Бейбіт заманда бүкіл елдің үрейін алған апаттың зардабы қандай?

Бір тәулік бұрын Жамбыл облысының Байзақ ауданында басталған жарылыс бүгін түс ауа тоқтады. Облыс әкімі Бердібек Сапарбаев уақытша қауіпсіз жерге көшірілген ауыл азаматтары үйлеріне қайта берсе болады деді. Төтенше жағдай министрлігі тоғыз адамның қайтыс болғанын мәлімдеді. Ал, Президент Қасым-Жомарт Тоқаев айдың-күннің аманында болған апатқа кінәлілерді анықтауды тапсырды. Қазір әріптесім Айбар Төлжанұлы тікелей эфирде ақпарат таратуға дайын.
Әзірге анықталған жоқ! Бір анығы қорғаныс министрі Арыстағы оқ-дәрілерді ауылдан шалғай жерге апарамыз деп екі жыл бұрын мәлімдегенімен, ауылға жақын жерге әкеліпті. Номері 28 де 349 әскери бөлімін картадан қарайтын болсақ Алматыдан Таразға барар жолдағы Ақшолақ ауылынан шығаберістегі жанармай құю бекетінің тура артында орналасқан. Әскери бөлім Тараз-Алматы бағытындағы теміржол бойының оң жағында, оңтүстіктен шамамен 250-300 метр қашықтықта, бес ауылдың қақ ортасында тұр. Кеше кешке, жойқын жарылыстан қатты қорыққан халық тіпті құжаттарын алмастан, бала-шағаларын көтеріп қашқан еді. Көбі туыстарының үйіне барған. Құтқарушылар бір мың екі жүз адамды мектеп пен колледждерге уақытша орналастырды. Оның сексен үші кішкентай балалар. Жауаптылар тек ересектер жарақат алғанын мәлімдеді.
ТАЛҒАТ УӘЛИ, ҚР ТЖМ Ресми өкілі:
– Жарылыс салдарынан тоғыз адам қаза тапты. Оның ішінде ҚР ТЖМ қызметкерлері бар. Сондай-ақ, оның ішінде әскери бөлімше, әскери қызмет және де әскери прокуратура қызметкерлері де бар. Қазіргі таңда тағы екі адамды іздестіру жұмыстары жүргізіліп жатыр.
Қорғаныс министрі Нұрлан Ермекбаев жарылған оқ дәрінің барлығы инженерлік, сондықтан алысқа ұшпайды деп мәлімдеді. Алайда жойқын жарылыстан бірнеше үйдің шатыры ұшып, әйнектері сынған. Қоймада сақталып тұрған бес жүз тонна тротил жарылып, жеті жүз шаршы метрді аумақты өрт шарпыған.Ермекбаев Тараздағы жарылыстың күші Арыстағыдан жеті есеге аз деп отыр. Осы оқиғадан кейін Қорғаныс министрі Нұрлан Ермекбаев бүгін отставкаға кетуге дайынмын деді. Ел Президенті Қасым-Жомарт Тоқаев бүкіл шенді-шекпендіні жинап, апатқа кінәлінің табыңдар деп тапсырма берді. Енді Роман Скляр басқаратын ведомствоаралық комиссия жапа шеккендерге барлық көмекті көрсетуге кірісіп кетті. Айта кетейік, әскери бөлімдегі қоймалардың жарылуы бірінші рет емес. Тәуелсіз Қазақстан тарихында осымен сегішінші рет оқ-дәріден өрт шығып қойма жарылып отыр. Әзірге апаттың нақты себебі анықталмады!
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Жамбыл #жарылыс #апат #қайғылы_жағдай

Видео Бейбіт заманда бүкіл елдің үрейін алған апаттың зардабы қандай? канала Информбюро 31