ԱՐԴՅՈ՞Ք ՄՈՍԿՎԱՆ ԿԳՆԱ ՆՄԱՆ ՔԱՅԼԻ․ Բաքվում վախում են, որ Արցախը Ռուսաստանի հետ սահման կունենա

Արդեն երկու օր է՝ Անկարայում շարունակվում են ռուս-թուրքական բանակցությունները Սիրիայի և Արցախի հարցով։ Նախօրեին Ռուսաստանի և Թուրքիայի ներկայացուցիչները քննարկել են Սիրիայի հարցը, ապա անցում կատարել արցախյան թեմատիկային։ Պաշտոնական հաղորդագրությունների համաձայն՝ տեխնիկական բանակցությունները շարունակվելու են առաջիկա օրերին, իսկ թե կոնկրետ երբ ու որտեղ՝ դեռ չի հստակեցվում։
Ինչպես հայտնի է, նոյեմբերի 10-ի Փաշինյան-Պուտին-Ալիև չարաբաստիկ հայտարարությունից հետո նոյեմբերի 11-ին ՌԴ ՊՆ ղեկավար Սերգեյ Շոյգուի և Թուրքիայի ՊՆ ղեկավար Հուլուսի Աքարի առցանց բանակցություններից հետո ստորագրվեց հուշագիր ԼՂ-ում հրադադարի վերահսկողության ռուս-թուրքական համատեղ դիտորդական կենտրոնի ստեղծման մասին։ Թուրքիան և Ադրբեջանը, այդ թվում՝ Թուրքիայի ՊՆ ղեկավարը, նշում են, որ Թուրքիան ԼՂ-ում խաղաղապահ առաքելությունում իր տեղն է ունենալու, ինչը հերքում են թե ՌԴ ԱԳՆ պաշտոնական ներկայացուցիչ Մարիա Զախարովան, թե ՌԴ նախագահի մամուլի խոսնակ Դմիտրի Պեսկովը՝ ասելով, որ համատեղ դիտորդական կենտրոնը գործելու է Ադրբեջանի տարածքում, իսկ թուրք խաղաղապահների մասին եռակողմ հայտարարությունում որևէ խոսք չկա։
Նշենք որ այսօր Նիկոլ Փաշինյանի խոսնակ Մանե Գևորգյանն իր ֆեյսբուքյան էջում գրել է․ «ԼՂ-ում թուրք խաղաղապահների տեղակայման հարց չի քննարկվել, հրապարակված տեքստում այդ մասին որևէ բառ չկա։ Այդ, ինչպես նաև Տավուշի մարզի որոշ գյուղերի՝ Ադրբեջանին անցնելու մասին տեղեկությունները կեղծ են, չեն համապատասխանում իրականությանը»։

Նյութի աղբյուր՝ 168.am

#lurerhayastanic #arcaxpaterazm #հաղթելուենք #alieverdoxan #verjinlurer #arcaxichanachum #chanachum

Видео ԱՐԴՅՈ՞Ք ՄՈՍԿՎԱՆ ԿԳՆԱ ՆՄԱՆ ՔԱՅԼԻ․ Բաքվում վախում են, որ Արցախը Ռուսաստանի հետ սահման կունենա канала Banber News