ՀԱՄՈ ՍԱՀՅԱՆ - Եթե ես մի օր աշխարից գնամ․․․

Համո Սահյան
Եթե ես մի օր աշխարհից գնամ,
Ու՞մ հառաչից ես դու վեր թռնելու,
Ու՞մ թևերով ես վեր-վեր թռնելու,
Հոգին առնելու առանց պատճառի:

Եթե ես մի օր աշխարհից գնամ,
Ու՞մ աչքերով ես քեզ ճանաչելու,
Բռիդ մեջ առած ու՞մ ես տանջելու,
Ու՞մ ես խաչելու հիսուսավարի:

Եթե ես մի օր աշխարհից գնամ,
Էլ ու՞մ հովերն են քեզ օրորելու,
Ու՞մ խոսքի մեջ ես սուտ որոնելու,
Ճշտելով տեղն ու տարազը տառի:

Եթե ես մի օր աշխարհից գնամ,
Էլ ու՞մ գլխին ես կրակ թափելու,
Ո՞ր անտերին ես քեզ տեր կարգելու,
Եվ շնորհելու կոչումն անճարի:

Եթե ես մի օր աշխարհից գնամ,
Ու՞մ ես անդադար ահաբեկելու,
Ու՞մ սուտ մեղքով ես մեղքդ հերքելու,
Ու՞մ ես գցելու բերանն աշխարհի:

______________________
MediaMag.am - ժամանցային-տեղեկատվական մեդիա նախագիծ է, որտեղ հրապարակվում են ինտելեկտուալ, օգտակար, հետաքրքիր, գիտահանրամատչելի և ժամանցային նյութեր:

Կայքը՝ https://mediamag.am​​​​​​​​​​​​​​

MediaMag.am on Social network:

Facebook: https://www.facebook.com/mediamagam​​...
Twitter: https://twitter.com/Mediamagam​​​​​​​...
Instagram: https://www.instagram.com/mediamagam​...
OK: https://ok.ru/mediamagam​​​​​​​​​​​​​​
Pinterest: https://www.pinterest.com/mediamagam​...
Telegram: https://t.me/mediamagam​​​​​​​​​​

#mediamag#մեդիամագ#պոեզիա

Видео ՀԱՄՈ ՍԱՀՅԱՆ - Եթե ես մի օր աշխարից գնամ․․․ канала MediaMag