Эл акыны Элмирбекти эскеребиз

Жазуучу Олжобай Шакир: "Маданий көпүрөдө Элмирбекчелик эч бир рухий лидер казак-кыргыздын ортосундагы кадыр-баркка жете алган жок. Ал комуз менен эле гана эмес, домбраны да чертип, казактын фольклорун алып келип жазданып окуп, казак тилин үйрөнгөн".

Журналист Шайырбек Абдырахман уулу: "Элмирбек акын же төкмө акын эле дегенибиз менен, анын ары жагын карай турган болсок, улуу инсандарга шакирт болду, өзү жыйырмадан ашык жаш акындарга устат болуп тарбиялады. Булар муундан-муунга улуу күч, сыр менен өтүп келе жаткан эстафетанын өкүлдөрү".

Коомдук ишмер Жамалбек Ырысалиев: "Элмирбектин эл билбей калган, ачылбай жаткан таланттары калды. Андай Манас айткан эч ким жок болчу. Образга кирип алып, достор болуп олтурган кезде ушундай бир төгүлчү да... Элмирбек менен таң атканча сүйлөшсөң да тажабай турган бала болчу".

Коомдук ишмер Талант Сарыбаев: "Элмирбектин энергетикасы башкача болчу. Жылмайып эле жүрө берчү. Күлгөндө да жасалмасы жок, күлчү. Санаада жүрсөң да аны көргөн адамдын көңүлү ачыла турган".
#Бешинчи_канал #Элдин_уулу_Элмирбекти_эскерүү

Видео Эл акыны Элмирбекти эскеребиз канала 5 канал Кыргызстан