Ermənilər Paşinyana niyə Azərbaycan dilində xitab edirlər? - Hikmət Babaoğlu ilə "Canlı debat"

Vətən uğrunda millət savaşımız davam edir. Hər şey cəbhə üçün, hər şey əsgər üçün!

Azərbaycan əsgərlərinin təhcizat məsələləri gündəmə gəlib. Sosial mediada iddia olunur ki, ön xətdəki əsgərlərimizin təhcizat məsələlərində problemlər var. Bəs, bu cür iddialara MN Mətbuat xidməti nə deyir, nə cavab verir? Niyə problem yerində həll olunmur?

Ermənistan silahlıları Qarabağa necə sızıblar? Erməni mənbələri əsir düşən erməni yaraqlıları haqda yazarkən iddia edir ki, onların bir çoxu Laçın koridoru vasitəsilə Qarabağdakı ermənilər yaşayan hissəyə gəliblər. Sual olunur kİ, yeğanə yol Laçın dəhlizi Rusiya sülhməramlılarının nəzarətində olduğu üçün qeydiyyatı olmayanları necə Qarabağa buraxırlar? KİV və sosial şəbəkələrdə erməni müəlliflər yazırlar ki, yoxlama simvolikdir, əsgərlərə "necəsiniz, hara gedirsiniz" kimi suallar verilir. Nadir hallarda baqajda silah axtarılır. Amma erməni quldurlarının Ermənistandan Qarabağa silahla və hərbi formada getməsinə gərək yox, yerində hər şey var. Bu cür sızmalar çox təhlükəlidir, rəsmi Bakı bunların qarşısını necə almaq üçün nələr etməlidir? Bu həm də üçtərəfli bəyanatın dördüncü -Rusiya Federasiyasının sülhməramlı kontingenti Ermənistan Silahlı Qüvvələrinin çıxarılması ilə paralel yerləşdirilir-bəndinin pozulması, əməl edilməməsi deməkdir. Problemi necə həll etməli?

Ermənilər Paşinyana niyə Azərbaycan türkcəsində müraciət edirlər? Mesaj aydındır - bununla demək istəyirlər ki, Paşinyan ermənidən daha çox azərbaycanlıdır. Zatən müharibədən sonra onu erməni hesab etmirlər, ya da satqın erməni hesab edirlər. Müharibə vaxtı bir fakt da üzə çıxdı ki, ermənilər (əksəriyyəti zabitlər) azərbaycan dilində yaxşı başa düşür və danışırlar.

Türkiyə və İsrail qarşılıqlı əlaqələri bərpa edir! Azərbaycan bu iki müttəfiqini birləşdirir! Prezident Ərdoğanın xarici siyasət məsələləri üzrə məsləhətçisi Məsut Kasin deyib ki, 2017-ci ildə korlanmış münasibətlər bu ilin martında bərpa edilə bilər. Türkiyə səfirini İsrailə qaytara bilər. Azərbaycanda bir çox analitiklər hesab edir ki, Azərbaycan-Türkiyə-İsrail üçtərəfli əməkdaşlığı da masadadır. Bu həm də hərbi əməkdaşlığı nəzərdə tutur. Azərbaycan Ankara ilə Təl-Əviv arasında körpü rolunu oynaya, bu iki müttəfiqi bir yerə gətirə bilərmi? Yaxud, artıq bunu bacarıbmı?
Paşinyanın əleyhdarları artıq İrəvanda çadır qurublar. Hökumətin istefa tələbləri getdikcə daha da genişlənir. Azərbaycana Ermənistanda hakimiyyət dəyişikliyi sərf edirmi, yoxsa, arzuolunan deyilmi? Və niyə?
Pandemiya dünyanı və Azərbaycanı təhdid edir. Azərbaycan səhiyyə naziri isə hələ də ortalıqda yoxdur. Bəlkə də planetdəki ən mübhəm hadisə yaşanır: Azərbaycanda koronavirus can alır, hər gün 40-50 civarında vətəndaşımız ölür, səhiyyə sistemi tam çöküb, amma bizim nazir ortalıqda yoxdur. İstefa da vermir, ortaya da çıxmır. Bu rahatlığın əsas səbəbi nədir?
Bu və digər sualları millət vəkili Hikmət Babaoğlu ilə müzakirə edirik

Видео Ermənilər Paşinyana niyə Azərbaycan dilində xitab edirlər? - Hikmət Babaoğlu ilə "Canlı debat" канала Tv Musavat