Арсланбек Султанбеков

Арсланбек Султанбековка багысланады

Яхшы йолга

Ким билгенди
Кишкей бала оьсер деп?
Оьсип етип, оьр этер деп оьз Элин
Дуныя кезип атланар деп далага,
Айттырарга ногай атын хыралга?

Эм айттырды данъклы атын Ногайдынъ
Узактагы кардаш халклар арада.
Тамыр бирин анъладылар олар да,
Йырау айтып, домбырасын шалганда.

Суьйинемиз, оьктемсиймиз оны ман
Кушак яйып, оьз элине кайтканда.
Кишкей уьйин, тар орамын суьйсе де
Яне йоллар шакырады артына...

Яхшы йолга деп сага биз айтамыз,
Халкынъ уьшин толсын салган мырадынъ!
Ата юртта сени саклап турармыз
Дав юрекли, алал ясы ногайдынъ

З.Керейтова.
#асрсланбексултанбеков#ногайэл#ногай#noghayturkleri

Видео Арсланбек Султанбеков канала Агали Койлакаев